Bakı/02.10.19/Turan: Sentyabrın 27-də "Müsəlman Birliyi" Hərəkatının sədri Taleh Bağırzadənin həyat yoldaşı Leyla İsmayılzadəyə qarşı qaldırılmış cinayət işinə xitam verilib. Bunu Turan-a vəkil Fəxrəddin Mehdiyev bildirib.
Onun sözlərinə görə, oktyabrın 3-də müstəntiq L. İsmayılzadəni çağıraraq bildirib ki, işdə cinayət tərkibi olmadığı üçün xitam verilib.
Xatırladaq ki, iş Ədliyyə Nazirliyinin İstintaq İdarəsi tərəfindən 317-1.1-ci maddə (cəzaçəkmə yerlərinə qadağan olunmuş əşyaların gətirilməsi) ilə qaldırılmışdı. Penitensiar Xidmətin məlumatına görə, martın 21-də L. İsmayılzadə Qobustan həbsxanasında saxlanlılan həyat yoldaşı ilə görüşə gələrkən əşyalarının arasında smartfon aşkar edilib.
L.İsmayılzadə smartfonun onunla gələn oğluna məxsus olduğunu və uşağın orada cizgi filminə baxdığını bildirmişdi.
Telefon həbsxananın içərisinə keçirilməmişdi. Bununla belə, beş ay sonra Ədliyyə Nazirliyi qəflətən cinayət işi qaldırmaq, sonra da ona xitam vermək qərarına gəlib. -16D-
Cəmiyyət
-
Noyabrın 14-də şəkərli diabetlə beynəlxalq mübarizə günü idi. Azərbaycanda diabetdən əziyyət çəkənlər üçün pulsuz dərmanların verilməsi nəzərdə tutulub. Nazirlər Kabinetinin qərarına görə, pulsuz dərman Səhiyyə Nazirliyinin təsdiq etdiyi xüsusi formada olan resept nüsxəsində yazılır. Lakin xəstələrə pulsuz dərmanların verilməsində hələ də problemin olduğu ilə bağlı şikayətlər eşidilir.
-
Noyabrın 16-da paytaxtda hava tutqun olacaq, axşama doğru yağış yağa bilər. Səhər və axşam duman olacaq. Mülayim cənub-qərb küləyi şimal-qərb küləyinə keçəcək.
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
Rəy yaz