RF-nin İstintaq Komitəsi ikinci cəhddə Azərbaycan əsilli biznesmen Telman İsmayılovun doğma qardaşını keçmiş tərəfdaşının qətlini təşkil etmək ittihamı ilə həbs edib. LİFE News-un bu gün yaydığı məlumata görə, söhbət 2016-cı ilin mayında biznesmenlər Vladimir Sakin və Yuri Brilyovun qətlindən gedir.
İstintaqın versiyasına görə, məşhur oliqarx Telman İsmayılovun doğma qardaşı Rafiq İsmayılov qətli öz həmyerlisi Mehman Kərimova sifariş edib. Amma sonuncu İsmayılovun heç bir günahı olmadığını iddia edir və bütün təqsiri öz üzərinə götürür.
İstintaq müəyyən edib ki, qətldən əvvəl Savkin bir neçə dəfə Mehman Kərimovla zəngləşib. Müşahidə kameralarının görüntüləri Kərimovun maşına minərək, onunla birlikdə getdiyini qeydə alıb. Bir müddət sonra o, maşında Savkini və Brilyovu güllələyib və onu təqib edən başqa maşına keçib.
Kərimovu 2 gün sonra tapıblar və saxlayıblar. O, Moskvada öz həmyerlisi, DİN Cinayət Axtarış Baş İdarəsinin keçmiş zabiti Vaqif İsmayılovun - Telman İsmayılovun digər qardaşının mənzilində gizlənirdi.
Araşdırma aparanların şübhələri özünü tamamilə doğruldub. Saxlanıldıqdan sonra Kərimov qətli etiraf edib. O, səbəb kimi 542 min dollar borcun qaytarılmamasını göstərib. İstintaq müəyyən edib ki, qətldən sonra Kərimovu götürən "Mercedes"in sükanı arxasında oliqarxın doğma qardaşı Rafiq İsmayılov olub. Mayın 18-də o, saxlanılıb, amma tezliklə sərbəst buraxılıb.
Amma istintaqın versiyasına görə, qətlin səbəbi Rafiq İsmayılovun Savkinə olan borcu olub. Vaxtilə Rafiq İsmayılov və Savkin Moskvada böyük ticarət-əyləncə kompleksinin sahibi idilər. İsmayılov ortaq biznesi satıb və pulu özünə götürüb, Savkinin 5,5 milyon dollar payını ona verməyib. Pulu qaytarmaq tələbi qətllə başa çatıb.
İstintaq hesab edir ki, Mehman Kərimov vasitəçi rolunu oynayıb və guya pulun qaytarılması haqqında razılaşmaq üçün görüşə gəlib.
Rafiq İsmayılov və Mehman Kərimova qarşı irəli sürülmüş "iki və daha artıq şəxsin öldürülməsi" ittihamı ilə hər ikisini ömürlük həbs cəzası gözləyir. -02D-
Cəmiyyət
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
-
Talış tarixinin tədqiqatçısı, həbsdə olan İqbal Əbilovun "Fraqmentlər" adlı qısametrajlı filmi daha bir beynəlxalq kinofestivalda ən yaxşı filmlər siyahısına daxil edilib.
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
Rəy yaz