Tofiq Yaqublu. Açiq mənbələrdən foto.
Tofiq Yaqublu altıncı gündür aclıq edir
Bakı/07.09.20/Turan: Demokratik Qüvvələrin Milli Şurasının (DQMŞ) və Müsavat Partiyasının üzvü Tofiq Yaqublu artıq altıncı gündür ki, aclıq edir.
Xalq Cəbhəsi Partiyasının (AXCP) üzvləri Tofiq Məmmədov, Ayət İsmayıl və Elnur Məmmədov da onunla həmrəylik əlaməti olaraq altı gündür aclıq edirlər. Bu barədə T.Yaqublunun qızı Nigar Həzi məlumat verib.
O qeyd edib ki, sonuncu dəfə atası ilə sentyabrın 5-də telefonla danışıb.
“Qrafik üzrə növbəti telefon danışığı sentyabrın 9-da olmalıdır. Ancaq biz atanın vəziyyətinə görə çox narahatıq. O, xroniki astmadan əziyyət çəkir, orqanizmi çox zəifləyib. Biz Ədliyyə Nazirliyinə müraciət etdik ki, atama hər gün telefonla danışmağa icazə versinlər”, - N.Həzi bildirib.
T.Yaqublunun aclıq aksiyasını çox sayda insan dəstəkləyir. Aclıq aksiyasını keçirmək istəyənlər Müsavat Partiyasının mənzil-qərargahında onlara yer verilməsi üçün partiyaya müraciət ediblər.
Müsavat Partiyasının sədri Arif Hacılı deyib ki, bu gün müraciətə baxılacaq.
Penitensiar Xidmətdən şərh almaq mümkün olmayıb.
Demokratik Qüvvələrin Milli Şurasının və Müsavat Partiyasının üzvü Tofiq Yaqublu martın 22-də yol qəzasından sonra saxlanılıb. Onu başqa maşının sürücüsünə və sərnişinə hücumda günahlandırıblar. Ancaq buna sübut olmayıb. T.Yaqublu bunu təxribat kimi dəyərləndirib. Sentyabrın 3-də məhkəmə onu
4 il, 3 ay müddətinə azadlıqdan məhrum edib. Beynəlxalq təşkilatlar hökmü pisləyiblər. Beynəlxalq Amnistiya təşkilatı T.Yaqublunu “ vicdan məhbusu” kimi tanınıb.—06D-
Cəmiyyət
-
Son günlər yağışlar nəticəsində Bakının Binəqədi rayonunun bəzi ərazilərində, Abşeron rayonunda müəyyən yerlərdə evləri su basıb. Sakinlər şikayətlənir ki, bu hal illərdir baş verir. Biləcəri qəsəbəsində yaşayan Mahir Məmmədov AzadlıqRadiosuna bildirib ki, üç gün əvvəl, mayın 6-da yağan leysandan sonra evinə su dolub: "Bizdə həyət evidir. Yağış yağıb, evim su içindədir, mebellərimə də ziyan dəyib. Bu vəziyyət illərdir davam edir. Şikayət etmədiyimiz qurum qalmadı. Hər dəfə deyirlər ki, nasoslar çatdırmır, düzələcək, amma düzəlmir".
-
9 may Qələbə bayramı münasibətilə Azərbaycanda prezidentin sərəncamı ilə İkinci Dünya Müharibəsi iştirakçılarına 2 min manat (1167 dollar) birdəfəlik yardım ayrılıb. Ölkədə 1941-1945-ci illər hərbi əməliyyatlarının cəmi 30 nəfər birbaşa iştirakçısı qalıb.
-
Mayın 10-da Bakıda və Abşeron yarımadasında hava şəraitinin dəyişkən buludlu olacağı, əsasən yağıntısız keçəcəyi gözlənilir. Mülayim cənub küləyi axşam şimal-qərb küləyilə əvəz olunacaq.
-
Polis əməkdaşları tərəfindən gizli sexdə saxta spirtli içkilər hazırlayaraq satış şəbəkəsi quran dəstə üzvlərinə qarşı əməliyyat keçirilib. Nəticədə Mikayıl Abbasov və onun rəhbərlik etdiyi dəstənin üzvləri Fərid Məmmədov, Fərid Haqverdiyev, Əhməd Mikayılov, Mehman Cəfərov və Nurlan Zamanov tutulublar. Bu barədə XİN-in mətbuat xidməti bildirib.
Müsavat Partiyasının yeni və köhnə başqanı İsa Qəmbər Çətin sualda
Xəbər lenti
-
- Söz istəyirəm,
- 15:04
- 729
Rəy yaz