Bakı/21.10.19/Turan: Müxalifətin mitinqində iştiraka görə 30 gün müddətinə həbs edilmiş Demokratik Qüvvələrin Milli Şurasının üzvü Tofiq Yaqublu işgəncələrə məruz qoyulur və ciddi xəsarətlər alıb. Bu barədə bazar ertəsi onun vəkili, təcridxanada Yaqublunu ziyarət edən Nemət Kərimli jurnalistlərə bildirib.
"Onun üzündə döyülmə izləri, qançır və göyərmələr var. Xüsusən, sol gözü ciddi xəsarət alıb. Qabırğası zədələnib, çiyni və ayağı yaralanıb. Buna görə o, çətinliklə yeriyir", deyə vəkil bildirib. Bu gün onu müayinə üçün DİN-in hospitalına aparıblar, sonra isə geri qaytarıblar.
"Onu Nəsimi Rayon Polis İdarəsində bir neçə polis döyüb, kamer qarşısında peşman olduğu və hakimiyyəti tənqid etməkdən imtina etdiyi barədə bəyanat verməyi tələb ediblər", deyə vəkil bildirib. DİN-dən şərh almaq mümkün olmayıb. -06D-
Cəmiyyət
-
Azərbaycan Minatəmizləmə Agentliyinin əməkdaşı xidməti vəzifəsini yerinə yetirərkən xəsarət alıb. Hadisə aprelin 27-də Şuşa rayonunun Qeybalı kəndi ərazisində baş verib.
-
Aprelin 28-də Bakıda və Abşeron yarımadasında havanın yağıntısız olacağı gözlənilir. Mülayim cənub küləyi əsəcək. Havanın temperaturu gecə müsbət 14+18, gündüz müsbət 26+31 dərəcə olacaq, Azərbaycan Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Aprelin 27-də Bakıda və Abşeron yarımadasında hava şəraiti yağmursuz keçəcək. Səhər və axşam bəzi yerlərdə duman olacaq. Cənub-şərq küləyi əsəcək.
-
Azercell-in BİQ layihəsinin Biznesin Davamlılığı testi Ələt Azad İqtisadi Zonasında həyata keçirildi Ölkənin lider mobil operatoru Azercell-in BİQ - Böhran İdarəetmə Qrupu layihəsinin Ələt Azad İqtisadi Zonasında real vaxt rejimdə Biznesin Davamlılığı testi həyata keçirildi. İlk dəfə baş tutan testdə Azercell ilə yanaşı layihənin digər tərəfdaşları – Azərkosmos, Aztelekom və Baktelekom şirkətlərinin əməkdaşları da iştirak etdilər. Sözügedən ərazidə rabitənin tamamilə kəsilməsi simulyasiya edilərək böhran vəziyyəti yaradıldı. Böhran təlimi zamanı regionlardan olan texniki qrupların hadisə yerinə çatması və rabitənin bərpa edilməsi istiqamətində işlərə başlanıldı. İlk olaraq qruplar ərazidə 2 mobil Baza Stansiyası quraşdıraraq məhdud sayda abunəçiyə milli peykin imkanlarından istifadə edərək 2G xidməti təqdim etdilər. Növbəti mərhələdə yüksək sürətli internet, 3G və 4G şəbəkəsi bərpa edildi və ərazi 100 meqabit Wi-Fi xidməti ilə təmin olundu. Qeyd edək ki, öncəki testlərlə müqayisədə bu simulyasiya testində bərpa vaxtı 2 qat azaldıldı. Bütün bərpa işləri isə regionlardan olan və Azercell tərəfindən xüsusi texniki təlimlər görmüş qruplar tərəfindən icra olundu.
Rəy yaz