![Tofig Yagublu](https://turan.az/resized/750/500/resize/media/2021/main/073000036277.jpg)
Tofig Yagublu
Tofiq Yaqubluya anasının yas mərasimində iştirak etmək üçün icazə verməyiblər
Bakı/30.07.21/Turan: İyulun 30-da Suraxanı Rayon Məhkəməsi Demokratik Qüvvələrin Milli Şurasının və Müsavat Partiyasının Partiyasının üzvü Tofiq Yaqublunun anasının yas mərasimində iştirak etmək üçün Gürcüstana getməsinə icazə verməkdən imtina edib. Bu barədə Turan agentliyinə Tofiq Yaqublu bildirib. O, məhkəmənin qərarını "siyasi sifariş" adlandırıb.
* Tofiq Yaqublu 22 mart 2020-ci ildə yol-nəqliyyat hadisəsi və ailə cütlüyünə hücum ilə bağlı saxta iş üzrə saxlanılıb. İstintaq sübut təqdim etməyib. Buna baxmayaraq, sentyabrın 3-də Yaqublu dörd il və üç ay müddətinə azadlıqdan məhrum edilib.
Yaqublu uydurma cinayət işinə son qoyulmasını tələb edərək aclıq aksiyası elan edib. Beynəlxalq hüquq- müdafiə təşkilatları, Avropa İttifaqı, ABŞ işə yenidən baxılmasına çağırıblar. Nəhayət, sentyabrın 18-də məhkəmə həbs qətimkan tədbirini dəyişib və Tofiq Yaqublunu ev dustaqlığına keçirib. İyulun 15-də Apellyasiya Məhkəməsi cəzanın çəkilməmiş hissəsini 2,5 il sınaq müddəti olmaqla şərti cəza ilə əvəz edib.–06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz