Açiq mənbələrdən foto.
Bakı/17.01.23/Turan: İnzibati həbs cəzası çəkən Tofiq Yaqublu 13-cü gündür ki, aclıq edir.
Yanvarın 17-də Yaqublunun qızı Nigar Həzi və həkim Adil Qeybulla Yaqublunun təcridxanadan köçürüldüyü Binəqədi Tibb Mərkəzində ona baş çəkib.
“Tofiq Yaqublunun vəziyyəti stabildir, gemodinamik göstəriciləri stabildir, qan təzyiqi 120/80-dir, saturasiyası normaldır, nəbzi 90-dır. Ona infuziya etdik ki, çünki aclıq səsəbindən bədəndə elektorlitlər çatırşmır”, - Qeybulla Turan agentliyinə bildirib.
Öz növbəsində Yaqublunun xanımı həyat yoldaşı ilə həmrəylik əlaməti olaraq 11-ci gündür ki, edir. “Səhhətimdə ciddi problemlər olsa da, onunla birlikdə aclığı davam etdirəcəyəm”, - Maya Yaqublu bildirib.
Tofiq Yaqublu və ictimai fəal Bəxtiyar Hacıyevlə həmrəylik əlaməti olaraq aksiyası Müsavat Partiyasının qərargahında və Ağdaş rayonunda davam edir.
Yanvarın 17-də üç fəal aclığı dayandırıb, eyni zamanda Azərbaycan Xalq Cəbhəsi Partiyasının Sabirabad rayon təşkilatının fəalları Sahib Rüstəmli və Adil Baba aclığa qoşulub.
Beləliklə, yanvarın 17-də Müsavat Partiyasının qərargahında aclıq aksiyasında 11 nəfər iştirak edib və onların hamısı Azərbaycan Xalq Cəbhəsi Partiyasının üzvüdür. Azərbaycan Xalq Cəbhəsi Partiyasının daha üç üzvü və bir ictimai fəal Ağdaşda aclıq edir.
*Dekabrın 23-də Demokratik Qüvvələrin Milli Şurasının və Müsavat Partiyasının üzvü Tofiq Yaqublu ictimai fəal Bəxtiyar Hacıyevin azadlığa buraxılması tələbilə Bakının mərkəzində keçirilən etiraz aksiyasında saxlanılıb. Həmin gün Səbail məhkəməsi onu xırda xuliqanlıq və polisə tabe olmamaq ittihamı ilə 30 sutka həbs edib. Yanvarın 5-də Bakı Apellyasiya Məhkəməsi bu qərarı qüvvədə saxlayıb. Yaqublu buna etiraz olaraq aclıq elan edib.
** Dekabrın 9-da Bəxtiyar Hacıyev xuliqanlıq və məhkəməyə hörmətsizlik ittihamı ilə saxlanılıb. Həmin gün Xətai Rayon Məhkəməsi onu 1 ay 20 gün həbs edib.
Dekabrın 15-də Hacıyev həbsdən azad olunması tələbilə aclıq elan edib. İctimaiyyət nümayəndələrinin və ailə üzvlərinin təkidli çağırışlarından sonra dekabrın 28-də axşam aclığı dayandırıb. Lakin Apellyasiya Məhkəməsi onun həbsilə bağlı şikayətini növbəti dəfə təmin etmədikdən sonra, yanvarın 9-da Bəxtiyar Hacıyev yenidən aclığa başlayıb. -03B06-
Cəmiyyət
-
Şənbə günü, sentyabrın 28-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Şimal-şərq küləyi əsəcək. Havanın temperaturu gecə 15-19° isti, gündüz 22-26° isti olacaq, xəbəri Milli Hidrometeorologiya Xidməti yayıb.
-
Milli Hidrometeorologiya Xidmətinin məlumatına görə, sentyabrın 28-i gündüzədək bəzi rayonlarda qeyri-sabit hava şəraitinin davam edəcəyi, fasilələrlə yağış yağacağı, şimşək çaxacağı gözlənilir. Naxçıvanda, Kiçik və Böyük Qafqaz dağlarında, həmçinin mərkəzi aran zonasında yağıntıların leysan xarakterli intensiv olacağı, dolu düşəcəyi, yüksək dağlıq ərazilərdə qar yağacağı ehtimalı var.
-
Bu gün, sentyabrın 26-da Nyu-Yorkda Azərbaycan və Ermənistan xarici işlər nazirlərinin sülh danışıqları ilə bağlı görüşü gözlənilir. Görüş ABŞ dövlət katibi Antoni Blinkenin iştirakı ilə baş tutmalıdır. Dövlət katibi BMT Baş Assambleyasının illik sessiyası çərçivəsində Nyu-York mehmanxanasında nazirləri bir araya gətirməlidir. Bu, E.Blinkenin onlarla üç ayda ABŞ ərazisində ikinci üçtərəfli görüşü olacaq. Üç diplomat sonuncu dəfə bu il iyulun 10-da Vaşinqtonda keçirilən NATO sammiti zamanı bir araya gəliblər.
-
Sentyabrın 27-də paytaxtda hava dəyişkən olacaq. Gecə bəzi yerlərdə yağış yağa bilər. Şimal-şərq küləyi əsəcək.
Rəy yaz