Ирина Кадзерская
Bakı/31.07.21/Turan: Nəhayət, Azərbaycan Tokiodakı Olimpiya oyunlarında ilk medalını qazanıb. İyulun 30-da qadınlar arasında cüdo yarışlarında 78 kq-dan yuxarı çəki kateqoriyasında çıxış edən ukraynalı legioner İrina Kadzerskaya bürünc medal qazanıb.
Daha bir medalı digər legioner, boksçu Alfonso Dominqes (81 kq) qazanıb. O, yarımfinala çıxıb, bu da ən azından bürünc mükafata zəmanət verir.
Tokioda Azərbaycan komandası 44 idmançı ilə təmsil olunur, onlar arasında 19 nəfəri 13 idman növü üzrə legionerlərdir.
Onların 23-ü artıq çıxışlarını yekunlaşdırıb.
Cüdoçulara, boksçulara, taekvandoçulara xüsusi ümid bəslənirdi. Amma bu idman növləri üzrə Azərbaycan olimpiyaçıları uğursuzluğa düçar olub və nəticədə cüdo və boksun hər birində 1 medalla kifayətlənməli oluruq.
Uğursuzluğa düçar olanlar arasında əvvəlki Olimpiadanın gümüş mükafatçısı Rüstəm Orucov (cüdo), bürünc mükafatçılar Lorenso Sotomayor (boks) və Milad Beiqi Xarçeqani (taekvando) da var.
Tokioda oyunların qalan dövründə döyüşçülər Azərbaycan komandasının medal daxılını artira bilər.
Əvvəlki Olimpiadanın mükafatçıları Şərif Şərifov, Mariya Stadnik və Hacı Əliyevə böyük ümid bəslənir.
Karateçilərimizin, xüsusən Rafael Ağayev və İrina Zaretskayanın da şansı var. Karate ilk dəfə olaraq Olimpiya oyunları proqramına daxil edilib.
Vəziyyət əlverişli olarsa, bədii gimnastikada da medala ümid etmək olar.
Amma indidən aydındır ki, medalların sayı Riodakı əvvəlki oyunlarda olduğundan xeyli az olacaq. Həmin vaxt 18 mükafat qazanılmışdı.
Ümumiyyətlə, 1996-cı ildən - Azərbaycanın olimpiadalarda çıxışlara başladığı gündən etibarən ölkə hər oyunlarda medal qazanma göstəricilərini artırırdı.
1996-cı ildə Atlantada bir gümüş medal qazanılıb.
4 il sonra Sidneydə Azərbaycan artıq 2 qızıl və 1 bürünc medal qazanıb.
2004-cü ildə Afinada 1 qızıl və 4 bürünc qazanılıb.
2008-ci ildə Pekində Azərbaycan 6 medal, o cümlədən 1 qızıl, 1 gümüş və 4 bürünc medal qazanıb.
2012-ci il London Olimpiadasında Azərbaycan 2 qızıl, 2 gümüş, və 6 bürünc medal qazanıb.
2016-cı ildə Rio Olimpiadasında Azərbaycanın aktivində 18 medal olub, bunlardan 1-i qızıl, 7-si gümüş, 10-u isə bürünc idi. -06D-
Cəmiyyət
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
Rəy yaz