Turan agentliyi FHN-ni məhkəməyə verir
Turan İnformasiya Agentliyi 2010-cu ilin daşqın zonasında evlərin tikintisi ilə bağlı yazılı informasiya sorğusuna cavab vermədiyinə görə Fövqəladə Hallar Nazirliyini məhkəməyə verir.
Məktub FHN-ə iyunun 20-də göndərilib və “İnformasiya əldə etmək haqqında” qanunun 21.1 maddəsinə əsasən nazirlik ona yeddi gün ərzində cavab verməlidir.
Agentlik aşağıdakı sualların cavablandırılmasını xahiş edib:
1. Evlərin, sosial və digər obyektlərin tikintisinə (prezidentin və hökumətin sərəncamları ilə) nə qədər pul ayrılıb?
2. Bu məbləğ nə qədər sayda ev və sosial obyektin tikintisi üçün ayrılıb?
3. Nə qədər vəsait xərclənib, nə qədər ev və sosial obyekt tikilib?
4. Tikilmiş bir obyektin orta dəyəri nə qədərdir?
5. Bir ədəd ikiotaqlı, üçotaqlı, dördotaqlı evin tikinti layihəsi neçəyə başa gəlir (hər layihə üzrə dəyər)?
Turan agentliyinin də daxil olduğu “Kür” Vətəndaş Cəmiyyəti Qərargahının hesablamalarına görə, Kürətrafı zonada 8 rayonda yaşayış evlərinin bərpasına 300 mln. manata yaxın vəsait ayrılıb. Lakin tikilən evin və obyektin sayı 4 mindən çox deyil. Beləliklə, orta hesabla 100 kv.m-ə yaxın sahəsi olan evin orta hesabla qiyməti 75 min manata yaxın təşkil edir.
FHN daşqın zonasında tikinti ilə bağlı maliyyə hesabatlılığını, həmçinin evlərin kimin üçün tikilməsi, zərərçəkənlərə verilən pul kompensasiyaları barədə məlumatları gizlədir. Qərargah tərəfindən aparılan monitorinqlər çoxsaylı korrupsiya faktlarını və icra hakimiyyəti orqanları tərəfindən digər sui-istifadələri aşkar edib.
Məhkəmədə agentliyin maraqlarını Media Hüququ İnstitutu müdafiə edəcək.—0--
-
- Mobil Reportaj
- 27 Avqust 2012 16:12
-
- Siyasət
- 27 Avqust 2012 18:03
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz