Açiq mənbələrdən foto.
Üzərində Məhəmməd Əmin Rəsulzadənin təsviri olan maskanı taxan fəal həbs edilib
Bakı/27.06.20/Turan: Bu gün Sumqayıt Şəhər Məhkəməsinin qərarı ilə ictimai fəal Cavid Məmmədzadə 10 sutka müddətinə inzibati qaydada həbs olunub.
O, İnzibati Xətalar Məcəlləsinin 535.1-ci (polis işçisinin və ya hərbi qulluqçunun qanuni tələbinə qəsdən tabe olmama) və 211.1 (epidemiya əleyhinə rejim, sanitariya-gigiyena və karantin rejimləri dövründə fərdi qoruyucu vasitələrdən istifadə ilə bağlı müvafiq icra hakimiyyəti orqanı tərəfindən müəyyən edilən tələblərin pozulması) maddələrin pozulmasında təqsirli bilinib. Bu barədə Turan-a fəalın qardaşı Bəhruz Məmmədzadə məlumat verib.
Onun sözlərinə görə, iyunun 26-da qardaşı Sumqayıt şəhər 1 saylı polis bölməsinə gedib və orada saxlanılıb. “Cavidi sosial şəbəkələrdə Rəsulzadə çağırışına görə bir neçə dəfə çağırırdılar, getmirdi. Sadəcə, dünən bölmədən zəng vurub dəvət ediblər, deyiblər ki, izahata görə gəl. O da dünən günorta evdən çıxanda dostu ilə oraya gedib. Orada Cavidə deyiblər ki, izahatında bir də sosial şəbəkələrdə heç nə yazmayacam, belə işlərdən uzaq olacam” yaz. O isə onlara mənfi cavab verdiyinə görə fiziki təzyiqə məruz qalıb. Bu gün isə Cavidi Sumqayıt Şəhər Baş Polis İdarəsinə aparmaq adı ilə bölmədən çıxarıblar, amma idarəyə yox, məhkəməyə aparıblar”.
B.Məmmədzadə əlavə edib ki, fəalın həbsinin əsas səbəbi üzərində Məhəmməd Əmin Rəsulzadənin fotosu olan tibbi maskanı taxması olub. “Qardaşım bir neçə gündür belə maska taxırdı. Hətta öz Facebook profilində “Polislər məni maska taxmağa məcbur edirsə, mən də onları Rəsulzadəyə baxmağa məcbur edəcəm. Bir gün həqiqət parıldayacaq!” post paylaşmışdı. Bundan əlavə o, evdən mahnı oxuyan müğənnilərin şousuna da etiraz bildirmişdi”.
DİN mətbuat xidmətinin rəisi Ehsan Zahidov məsələ ilə bağlı bildirib ki, Cavid Məmmədzadənin maskanın üzərində Rəsulzadənin fotosunun olmasına görə saxlanılması yalan məlumatdır: “Tarixi şəxsiyyətin fotosunun mikroblarla dolu parçanın üzərinə vurulması Rəsulzadəyə hörmətsizlikdir. Çünki gigiyenik qaydalara uyğun olaraq, bir neçə saatdan sonra o maskanı çıxarıb zibil qabına atmalıdır. Məgər bu, Rəsulzadəyə hörmət əlamətidir?”
C.Məmmədzadənin saxlanma səbəbinə aydınlıq gətirən DİN rəsmisi bildirib ki, o, xüsusi karantin rejimi qaydalarını pozduğuna və bu zaman polisin qanuni tələbinə tabe olmadığına görə saxlanılıb. “O, küçədə gəzərkən polis əməkdaşları tərəfindən icazəsinin olub-olmaması yoxlanılıb. Bu zaman məlum olub ki, icazənin müddəti saat yarım əvvəl başa çatıb. Bu barədə ona irad bildirəndə həmin şəxs polisin yanından uzaqlaşıb çıxıb getmək istəyib, onu dayanmağa dəvət etsələr də bu əmrə tabe olmayıb. Buna görə də Cavid Məmmədzadə polis əməkdaşları tərəfindən saxlanılıb, barəsində toplanmış materiallarla əməlinə hüquqi qiymət verilməsi üçün müvafiq məhkəməyə göndərilib”, - E.Zahidov bildirib.–21B-
-
- Cəmiyyət
- 27 İyun 2020 14:29
Cəmiyyət
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
-
Mədəni müxtəlifliyi və dini tolerantlığı ilə tanınan Azərbaycanda pravoslav xristianlar ən əlamətdar və sevincli bayramlarından birini - Pasxa bayramını qeyd ediblər. Mayın 4-dən 5-nə keçən gecə Bakıda və digər bölgələrdəki pravoslav kilsələrində bayram adət-ənənələri və ayinləri ilə zəngin bayram tədbirləri keçirilib.
-
Mayın 4-də Sumqayıt şəhərində polis əməkdaşları məhkəmənin qərarını icra edərək Azərbaycan siyasətçisi və alimi Qubad İbadoğlunun evində ona hərəkətlərinə məsafədən aramsız nəzarət etməyə imkan verən elektron qolbaq tətbiq ediblər. Bu elektron nəzarət vasitəsinin tətbiq olunması İbadoğlunun yerdəyişmələrini müəyyən ərazi ilə məhdudlaşdırmaqla onun hüquqi problemlərinin davam etdiyini göstərir.
-
İyun ayında çimərlik mövsümü açılacaq, Gigiyena və Epidemiologiya Mərkəzi bəzi çimərliklərdə dəniz suyunun çirkləndiyini, digərlərində təmiz olduğunu elan edəcək. Hər il Abşeron çimərliklərində dəniz suyunun bakterioloji göstəriciləri əvvəlki kimi qalır: yarımadanın şimal sahili nisbətən təmizdir, Bakı, Sumqayıt, Yalama və Xaçmaz yaxınlığındakı çimərliklər isə dənizə girənlərə ağır xəstəliklər bəxş edə bilər.
Rəy yaz