Açiq mənbələrdən foto.
Bakı/18.01.23/Turan: Həbsdə olan ictimai fəal Bəxtiyar Hacıyevin səhhətində ciddi problemlər yaranıb.
Bu barədə Turan-a Bəxtiyar Hacıyevin vəkili Zibeydə Sadıqova bildirib.
Onun sözlərinə görə, Hacıyev artıq 9-cu gündür aclıq etdiyi üçün çox halsızdır, başgicəllənmə halları var.
"Həmçinin dünəndən mədəsində qanaxma var. Bəxtiyar mənə dedi ki, saxlandığı Bakı İstintaq Təcridxanasındakı sanitar-tibb hissəsinin həkimlərinə bu barədə desə də, hələ analiz götürülməyib və müayinə olunmayıb", deyə vəkil qeyd edib.
Bundan başqa, vəkil bildirib ki, yanvarın 18-də Bakı Apellyasiya Məhkəməsində Xətai rayon Məhkəməsindən həbsdə olan insan haqları fəalı Bəxtiyar Hacıyevin görüş və telefon danışıqlarına istintaq tərəfindən qoyulmuş məhdudiyyətdən verilmiş şikayətə baxılıb.
Məhkəmə apellyasiya şikayətini təmin etməyib.
Yanvarın 10-da birinci instansiya məhkəməsi Bəxtiyar Hacıyevin iştirak etmədiyi məhkəmə iclasında Hacıyevin yaxın qohumlarla görüşmək və telefonla danışmaq qadağası ilə bağlı şikayətini qismən təmin edib.
Vəkil onu da bildirib ki, prosesdə Bəxtiyar Hacıyev də çıxış edib. O, çıxışında həbsinin siyasi sifariş olduğunu bildirib. Məhkəmənin çıxardığı qərarları da haqsız və ədalətsiz adlandırıb.
Məsələ ilə bağlı Ədliyyə Nazirliyinin Baş Tibb İdarəsindən məlumat almaq mümkün olmayıb. 16D
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz