Bakı/01.08.19/Turan: Vəkil Əsabəli Mustafayevə Avropa İnsan Haqları Məhkəməsinin (AİHM) qərarları üzrə vəkil xərcləri hakimiyyət tərəfindən ödənilmir.
Vəkilin sözlərinə görə, bu hal artıq bir neçə ildir baş verir. "Hətta ərizəçilərin özlərinə kompensasiya ödənilsə də, qərarda nəzərdə tutulmuş vəkil xərci mənə ödənilmir".
Mustafayevin vurğuladığına görə, problemlə bağlı Prezident Administrasiyasına dəfələrlə müraciət etsə də, ona "tapşırıq yoxdu" cavabı verilir.
Vəkil qeyd edib ki, məsələ ilə bağlı Azərbaycanın AİHM yanında səlahiyyətli nümayəndəsi Çingiz Əsgərova sorğu göndərsə də, hələ ki, sorğuya cavab yoxdur. "Gələn həftə cavab gəlməsə, məhkəməyə üz tutacağam. Bəlkə orada məsələyə aydınlıq gətirmək mümkün oldu".
Mustafayev əlavə edib ki, ərizəçilərə AİHM qərarları üzrə təyin edilmiş kompensasiyaların ödənilməməsi ilə bağlı da sorğular göndəriləcək və məhkəmələrə müraciət ediləcək.
Məsələ ilə bağlı Prezident Administrasiyasından münasibət öyrənmək mümkün olmayıb. -06D-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz