Hüseyn Abdullayev
Bakı/29.04.21/Turan: Hüseyn Abdullayevin sağlamlıq durumu ağırdır. Bu barədə aprelin 28-də vəkil Elcin Sadıgov Penitensıar Xidmətin müalicə müəssisəsində məhbus, kecmiş deputat Hüseyn Abdullayevlə görüşdükdən sonra Turan-a bildirib.
“Məhbusa edilən müalicə yetərsizdir, Abdullayevin daxili orqanları, ürəyi ciddi müalicə edilməlidir, amma qapalı müəssisədə bu, mümkün deyil”, - vəkil qeyd edib.
Sadıqovun sözlərinə görə, Penitensiar Xidmət Abdullayevin həyatı ücün ciddi məna kəsb edən məlumatları ictimaiyyətdən gizli saxlayır, hətta vəkilə müdafiə elədiyi şəxslə görüşməkdə əsassız cətinliklər yaradılır.
"Abdullayev kateterlə hərəkət etməli olur, prostat vəzində, ürəkdə, psixi vəziyyətində qüsurlar var. Yüksək səviyyəli tibbi xidmət almasa vəziyyəti daha da pisləşə bilər. Onun kecirdiyi aclıq aksiyasının da məlum mənfi təsiri qalır. Penitensiar Xidmət Abdullayevin ailədən göndərdiyi həkimlə görüşmək ücün maneə yox, şərait yaratmalıdır" - vəkil bildirib.
Hüseyn Abdullayev 2018-ci ilin aprelində Türkiyədə saxlanılaraq Azərbaycana gətirilib. İttihamda yazılıb ki, onun barəsində müxtəlif adamların şikayətləri əsasında cinayət işi başlanıb. Abdullayevə qarşı dələduzluq, vergidən yayınma və başqa ittihamlar irəli sürülüb. O, ittihamları rədd edib və qondarma olduğunu deyib. Bakı Hərbi Məhkəməsinin hökmü ilə keçmiş deputata 6 il həbs cəzası kəsilib.
2007-ci il martın 16-da Milli Məclisdə hökumətin hesabatı zamanı deputat Abdullayevlə Ana Vətən Partiyasının sədri Fəzail Ağamalı arasında qarşıdurma baş verib, hər iki deputat əlbəyaxa olub. Bu olaydan sonra Hüseyn Abdullayevin deputat mandatı əlindən alınıb və o həbs olunub. Ancaq elə həmin il məhkəmə qərarı ilə 2 il şərti cəza alan keçmiş deputat azadlığa buraxılıb.
O 2010-cu il parlament seçkilərinə qatılsa da, namizədliyi qeydə alınmayıb. Bundan sonra Almaniyaya mühacirət edən keçmiş deputat bu ölkədə sığınacaq alıb.
Həm də musiqi bəstələyən Hüseyn Abdullayevin 2013-cü ildə etirazlara çağıran "Susma" adlı marşı sosial şəbəkələrdə yayılandan sonra ona və ailəsinə təzyiqlərin olduğunu iddia edilib. Azərbaycan rəsmiləri isə insanlara düşüncə və tənqidlərinə görə basqıların olması ilə bağlı deyilənləri qəbul etmir.-0-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz