Açiq mənbələrdən foto.
Bakı/25.04.22/Turan: Aprelin 25-də İkinci Qarabağ müharibəsinin bir qrup iştirakçısı YAŞAT Fondunun qarşısında etiraz aksiyası keçirib. Onlar bildiriblər ki, Türkiyəyə müalicəyə göndərilən bir qrup veteran müalicə başa çatmadan ölkəyə qaytarılır.
"Onların müalicəsi hələ bitməyib. Niyə bilet alıb Azərbaycana qaytarırlar? Yəqin baxırlar ki, orada xərc çox çıxır, ona görə gətirirlər bura.
YAŞAT Fondu öz üzərinə götürdüyü öhdəlikləri yerinə yetirsin. Əks halda biz Prezident Administrasiyasının qarşısına gedəcəyik", deyə aksiya iştirakçılarından biri Fondun iştirakçıların qarşısına çıxan nümayəndəsinə bildirib.
YAŞAT Fondundan bildiriblər ki, bu günə qədər YAŞAT Fondunun dəstəyi ilə 167 qazi Türkiyə Respublikasına göndərilib. "Hər bir gedən qazimiz mütəxəssisin rəyi əsasında göndərilib. Mütəxəssislərin rəyi bu olub ki, onların müalicəsi yerli səhiyyəmizdə yoxdur", deyə Fonddan bildiriblər.
Həmin 167 qazidən 132-si artıq Azərbaycana qayıdıb.
35 ağır yaralının Türkiyədə müalicəsi davam etdirilir. Mütəxəssislər nə zaman onların Türkiyə Respublikasında müalicəsinin bitdiyi barədə rəy bildirsələr, o zaman onlar müalicəni davam etdirmək üçün Azərbaycana geri qayıdacaqlar.
Fondda yaralıların müalicəsi başa çatmadan qayıtması ehtimalını istisna ediblər. -06B-
Cəmiyyət
-
Yanvarın 14-də Ermənistan və Amerika Birləşmiş Ştatları (ABŞ) arasında strateji tərəfdaşlıq haqqında xartiya imzalandı. ABŞ Dövlət katibi Antoni Blinken bu sənədlə bağlı danışarkən vurğulayıb ki, onlar Ermənistanla onun suverenliyi və ərazi bütövlüyünü qorumaq üçün səyləri gücləndirmək üzərində işləyirlər. O, strateji tərəfdaşlıq haqqında sənədin “daha dayanıqlı, dinc, təhlükəsiz və müstəqil” Cənubi Qafqazın yaradılmasına töhfə verəcəyinə əminliyini ifadə edib.
-
Məmnuniyyətlə bildiririk ki, saytın normal fəaliyyəti artıq tam şəkildə bərpa olunub.
-
Kömək üçün Turan agentliyinə müraciət edən və adının açıqlanmasını istəməyən zərərçəkən bildirib ki, 2024-cü ilin iyulunda öz evinin rekonstruksiyası üçün "DREAM CONSTRUCTİON Azerbaijan" şirkəti ilə rəsmi müqavilə bağlayıb: "Bu 58 000 manatlıq müqavilə idi. Mən “Algaplaza”da şirkətin ofisində 44 000 manat ödədim və qalan məbləği də açarları təhvil verərkən ödəmək niyyətində idim.
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
Rəy yaz