Açiq mənbələrdən foto.
Bakı/21.07.20/Turan: Azərbaycanda bir qrup hüquqşünas və ictimai fəal “Müdafiə xətti” adlı yeni hüquq- müdafiə təşkilatının yaradıldığını elan edib. Yeni təşkilat qeyri-siyasi və qeyri -dini birlik olduğunu bəyan edib.
Yeni təşkilatımnın təsisçiləri keçmiş müstəntiq, siyasi məhbus kimi tanınan Rüfət Səfərov, hüquqşünas Rəşid Hacılı, keçmiş vəkil Əlayif Həsənov, ictimai fəallar Zəfər Əhmədov, Sayğın Rüstəmli,
Zaur Əkbər və jurnalist Təzəxan Mirələmlidir.
Təsisçilərin yığıncağında Rüfət Səfərov “Müdafiə Xətti”nin icraçı direktoru seçilib.
Təşkilat cəmiyyətə xüsusi manifestlə müraciət edib:
“Müdafiə xətti” Azərbaycanda insan haqlarının qorunması və dəstəklənməsi, hüququn aliliyinin təmin edilməsinə yardım məqsədilə yaradılıb. “Müdafiə Xətti”nin hədəfi habelə, Azərbaycanda azad və ədalətli seçkilərin keçirilməsi, hakimiyyətlər bölgüsünün təmin edilməsi, hökumətin hesabatlılığı və şəffaflığın təmin olunması, vətəndaş cəmiyyətinin inkişaf etdirilməsi, vətəndaş fəallığının yüksəldilməsi yolu ilə bütünlükdə demokratiyanın inkişaf etdirilməsidir.
“Müdafiə Xətti”nin insan haqları sahəsində əsas fəaliyyət istiqamətlərinə insan haqları pozuntularının monitorinqi və sənədləşdirilməsi, məhkəmə çəkişmələrində hüquqi yardım, ciddi hüquq pozuntularına məruz qalmış şəxslərə psixoloji yardımın göstərilməsi, onların ən zəruri ehtiyacları ilə bağlı maddi dəstəklənməsi üçün ianə toplanışı və yardımları təşkil etmək, insan haqlarının durumu barədə müntəzəm olaraq hesabatların hazırlanması, həm ölkəiçi hökumət və sivil toplum qurumlarının, vətəndaşların, həm də Azərbaycanda insan haqlarının təmin edilməsində maraqlı olan beynəlxalq qurumların diqqətinə çatdırılması, həm milli, həm də beynəlxalq institutlar qarşısında insan haqları sahəsində qanunvericilik və siyasət islahatlarını dəstəkləmə, lobbi işi, insan haqlarının durumu barədə gündəlik xəbər, açıqlama və rəylər yaymaqla ictimai məlumatlılığın yüksəldilməsi, insan haqları müdafiəçiləri, fəallar, jurnalist və bloqerlər arasında insan haqlarının müdafiəsi sahəsində səylərin əlaqələndirilməsi və birgə layihələrin həyata keçirilməsi məqsədilə şəbəkələşməsi daxildir. -03-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz