Bakı/20.11.17/Turan: Daha 14 nəfərin adı siyasi məhbuslar siyahısına əlavə edilib, 1 nəfər isə azadlığa çıxdığına görə adı siyahıdan çıxarılıb. Bu barədə Siyasi Məhbusları Müdafiə Mərkəzinin (SMMM) məlumatında deyilir.
SMMM-in koordinatoru Oqtay Gülalıyev Turan-a bildirib ki, təşkilatın hazırladığı "siyasi məhbuslar" siyahısı yenilənib.
"Dünən təşkilatın keçirdiyi müzakirələrdən sonra 14 nəfərin adı siyasi məhbus siyahısına əlavə edilib. Hazırda siyahımızda 159 nəfər siyasi məhbusun adı var. Onlardan 19 nəfəri jurnalist və blogerdir", - o qeyd edib.
SMMM-in noyabrın 19-da keçirilən toplantısında həmçinin insan haqlarının vəziyyəti, siyasi məhbuslarla bağlı durum, məhkəmə prosesləri, saxlanma yerlərində işgəncə halları müzakirə olunub.
Toplantıda qərara alınıb ki, adları hələ siyasi məhbus siyahısına daxil edilməyən, həbsində siyasi motivlərin olduğu ehtimal edilən məhbuslarla bağlı araşdırmalar davam etdirilsin.
"İclasda son zamanlar ölkədə ifadə azadlığının (xüsusən 10- a yaxın sayta girişin məhkəmə qərarı olmadan bloklanması), sərbəst toplaşma azadlığının (aksiyaların və toplantıların keçirilməsinə hakimiyyət tərəfindən müxtəlif bəhanələrlə rədd cavablarının verilməsi) məhdudlaşdırılması, nümayəndəlik institutunun ləğv edilməsi, siyasi məhbusları müdafiə edən vəkilləri Vəkillər Kollegiyasından uzaqlaşdırmaq cəhdləri pislənilib",- məlumatda qeyd edilir.
Toplantıda son zamanlar Avropa ölkələrində siyasi məhbuslarla bağlı keçirilən aksiyalarda iştirak edən mühacirlərin Azərbaycanda yaşayan ailə üzvlərinin təzyiqlərə məruz qalması, işdən çıxarılması, həbs edilməsi, qohumluqdan imtinaya məcbur edilməsi pislənilib.
Öz növbəsində, rəsmi Bakı ölkədə siyasi məhbusların olmadığını bildirir. Azərbaycan rəsmilərinin fikrincə, insanlar qanun qarşısında bərabərdir, söz, mətbuat, toplaşma, birləşmə azadlıqları tam təmin edilib. -03B-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz