![Yunis Səfərov](https://turan.az/resized/media/2022/main/022300045100-750-500-resize.webp)
Yunis Səfərov
Yunis Səfərov və digər 11 nəfərin məhkəməsi davam edib
Bakı/23.02.22/Turan: Çərşənbə günü Bakı Apellyasiya Məhkəməsində Gəncə şəhər merinə sui-qəsd törətməkdə ittiham olunan Yunis Səfərovun və bu cinayətdə əli olan digər 11 nəfərin işi üzrə proses davam edib. Prosesə Mirzəli Abbasov sədrlik edib.
Səfərovun özü istisna olmaqla, digər müttəhimlər və vəkillər prosesdə çıxış ediblər. Müdafiə tərəfi həmin şəxslərin günahsız olduğunu bildirib və onlara bəraət verilməsini xahiş edib.
Bundan öncə Səfərov bildirmişdi ki, Gəncə şəhərinin meri Elmar Vəliyevin özbaşınalığı və yerli sakinlərlə kobud rəftarı ilə əlaqədar sui-qəsd hazırlayıb və özü də törədib.
Apellyasiya Məhkəməsinin qərarı martın 30-da elan ediləcək.
*3 iyul 2018-ci il tarixində Gəncədə şəhərin o zamankı icra başçısı Elmar Vəliyevə sui-qəsd törədilib. Gəncə sakini Yunis Səfərov onu və cangüdənini yaralayıb.
İyulun 10-da Gəncə şəhər administrasiyasının binası qarşısında etiraz aksiyası təyin edilib. Həmin gün şəhərdə iğtişaşlar baş verib və bu iğtişaşlar zamanı iki polis əməkdaşı qətlə yetirilib. Bunun ardınca dindarların və başqa şəxslərin kütləvi həbsləri başlayıb.
Bu hadisələr üzrə 70 nəfərə qarşı cinayət işi qaldırılıb. Təqsirləndirilən şəxslər 6 ildən 18 ilədək azadlıqdan məhrum ediliblər. 10-a yaxın adam şərti olaraq azad edilib.
Yunis Səfərov və digər 11 nəfərin məhkəməsi 2020-ci ilin yanvarında başlayıb. Həmin il avqustun 16-da məhkəmə Səfərovu ömürlük, digər müttəhimləri isə 18 ildən 20 ilədək azadlıqdan məhrum edib.
Hökm Bakı Apellyasiya Məhkəməsinin qərarından sonra qanuni qüvvəyə minəcək. - 30В06-
-
- İqtisadiyyat
- 23 Fevral 2022 15:10
-
- Cəmiyyət
- 23 Fevral 2022 15:17
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz