![Əlizamin Salayev](https://turan.az/resized/media/2021/main/092100038610-750-500-resize.webp)
Əlizamin Salayev
Zamin Salayevə 17 saylı cəzaçəkmə müəssisəsində işgəncə verilir - AXCP
Bakı/21.09.21/Turan: Həbsdə olan Azərbaycan Xalq Cəbhəsi Partiyasının üzvü Zamin Salayev saxlandığı 17 saylı cəzaçəkmə müəssisəsində ona işgəncə verildiyini deyir. Bu barədə AXCP-dən məlumat verilib.
Partiyadan bildirilib ki, Zamin Salayev bir neçə gün əvvəl zəng vuraraq ona partiyadan çıxmaq barədə ərizəyə qol çəkdirmək üçün müəssisənin rəisi Şakir Qəniyev 2 dəfə işgəncə verib. "Səsi çox zəif idi. Dediyinə görə, ondan partiya əleyhinə bəyanat verməyi, istefa ərizəsi yazmağı tələb ediblər. İmtina etdikdə isə işgəncə veriblər və 10 günlük cərimə kamerasına salıblar. O isə buna etiraz olaraq artıq 2 həftədir aclıq aksiyası keçirir".
AXCP-dən əlavə ediblər ki, hazırda Zamin Salayev 1 saylı İstintaq təcridxanasındadır. "Vaxtından əvvəl azadlığa buraxılması ilə bağlı qərardan apellyasiya şikayəti verilib deyə o, təcridxanaya köçürülüb".
Məsələ ilə bağlı Penitensiar Xidmətdən münasibət öyrənmək mümkün olmayıb.
Salayev 2020-ci ildə 2 il 3 ay azadlıqdan məhrum olunub. Hökm aprelin 20-si Salyan rayon Məhkəməsində çıxarılıb. O, Salyan rayon Polis İdarəsinin bölmə rəisi, polis kapitanı Həmzə Əzizovun şikayəti əsasında həbs edilib. Bir müddət öncə Salayev sosial şəbəkədə video yayaraq Əzizovu qanunazidd və polis əməkdaşına yaraşmayan hərəkətlərdə günahlandırıb. Bundan sonra Əzizov Salyan rayon Məhkəməsində xüsusi ittiham qaydasında iddia qaldıraraq Salayevin Cinayət Məcəlləsinin 147-ci (böhtan) və 148-ci (təhqir) maddələri ilə cinayət məsuliyyətinə cəlb olunmasını istəyib. Məhkəmə polis kapitanının şikayətini təmin edib. -0-
-
- İqtisadiyyat
- 21 Sentyabr 2021 17:14
-
- Cəmiyyət
- 21 Sentyabr 2021 18:08
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz