t.me/uniannet /38635
Kiyev/16.03.22/UNİAN: Ukrayna prezidenti Vladimir Zelenski dost dövlətlərin liderlərini Kiyevə səfər etməyə dəvət edir.
Bu barədə Zelenski Facebook sosial şəbəkəsində yayımladığı videomüraciətində bildirib.
"Bu gün (15 mart) üç tərəfdaş dövlətin, Ukraynaya dost olan üç dövlətin - Polşa, Çexiya və Slovakiyanın baş nazirləri Kiyevə səfər ediblər. Polşanı eyni zamanda baş nazir müavini Yaroslav Kaçinski və baş nazir təmsil edib. Paytaxtımızda görüşməkdən, birbaşa, canlı danışıqlar aparmaqdan şad oldum. Bu, əhəmiyyətli dəstəkdir. Kiyevimiz işğalçıların hədəfi olduğu bir vaxtda burada, bizim yanımızda, dostların yanında olmaq xüsusilə əhəmiyyətli, xüsusilə cəsur addımdır. Liderlik özünü belə göstərir", deyə Zelenski bildirib.
"Və mən Ukraynanın bütün dostlarını Kiyevə dəvət edirəm. Bura təhlükəli ola bilər. Bu, belədir. Buna görə səmamız hələ Rusiya raket və təyyarələrinə bağlanmayıb", deyə prezident qeyd edib.
"Havada arsenalımızın gücləndirilməsi haqqında qərar hələ qəbul edilməyib. Biz təyyarələri əldə etməmişik. Amma... Siz dəqiq bilirsiniz ki, indi dünyadakı bütün insanların nəzəri məhz bizim paytaxtımıza, ukraynalılara yönəlib. Buna görə bizim yanımızda olan hər kəs təkcə bizim deyil, həm də digər dünya xalqlarının minnətdarlığını qazanacaq. Bizimlə olan hər kəsin əsl qəhrəman olmaq şansı var", deyə prezident bildirib.
UNİAN-ın məlumatına görə, martın 15-də Polşa baş naziri Mateuş Moravetski, Çexiya baş naziri Petr Fiala və Sloveniya baş naziri Yanez Yanşa Kiyevdə görüşüblər. Polşanın hakim "Haqq və Ədalət" Partiyasının lideri Yaroslav Kaçinski də Ukraynanın paytaxtındadır.
Onlar Ukrayna prezidenti Vladimir Zelenski ilə də görüşüblər. O, nazirlərin səfərini dəstəyin güclü dəlili adlandırıb. -0-
Cəmiyyət
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
-
Talış tarixinin tədqiqatçısı, həbsdə olan İqbal Əbilovun "Fraqmentlər" adlı qısametrajlı filmi daha bir beynəlxalq kinofestivalda ən yaxşı filmlər siyahısına daxil edilib.
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
Rəy yaz