Azərbaycanda koronavirusla mübarizə tədbirləri üzrə REACT-C19 layihəsi həyata keçirilir

Bakı/16.04.20/Turan: Azərbaycanın bölgələrindəki xəstəxanalarda COVID-19 koronavirusuna qarşı mübarizə tədbirləri ilə əlaqədar əsas bacarıqların gücləndirilməsi üçün REACT-C19 layihəsi başlayır.

Layihə Ümumdünya Səhiyyə Təşkilatının təşəbbüsü və Heydər Əliyev Fondu, İcbari Tibbi Sığorta üzrə Dövlət Agentliyi, Tibbi Ərazi Bölmələrini İdarəetmə Birliyi (TƏBİB) və Səhiyyə Nazirliyinin dəstəyi ilə həyata keçirilir.

Layihəyə Türkiyədə çalışan 19 azərbaycanlı həkim cəlb edilib. Onlar regional xəstəxanalarda direktorlar və baş həkimlərin rəhbərliyilə şiddətli kəskin respirator sindromunun diaqnozu və müalicəsi, triaj, yoluxma hallarının idarə olunması və nəzarət üzrə ikihəftəlik treninqlər keçirəcəklər. —0—