2013-cü ildə Azərbaycanın xaricdəki özəl və dövlət investisiyaları $1,5 mlrd olub. Bu, əvvəlki ildəkindən 35,6% çoxdur.
Son 10 ildə Azərbaycanın investisiya ixracı $8 mlrd-a çatıb, deyə Dövlətstatkomda Turan-a bildiriblər.
DSK Azərbaycan iqtisadiyyatına investisiya strukturunu da açıqlayıb. Ötən il investisiya həcmi 8,7% artaraq 22 mlrd manat və ya $28 mlrd olub. Neft-qaz sektoru üzrə istifadə edilən investisiyalar 5,6 mlrd manat ($7,2 mlrd.) təşkil edib. Qeyri-neft sektoruna 16,3 mlrd manat ($20,8 mlrd.) yönəldilib. Bu, 2012-ci ildəkindən 7% çoxdur.
Yerli investisiyalar 62,4%, xarici investisiyalar 37,6% olub.
Dövlətstatkoma görə, investisiyaların əsas hissəsi (17 872,1 mln manat) əsas kapitalın artımına yönəldilib. Bu vəsaitlərin 70,7%-i dövlət sektoruna aiddir. Qalan vəsaitlər maliyyə sektorunda istifadə edilib.
Son 10 ildə Azərbaycan iqtisadiyyatına investisiyalar 155,6 mlrd manat olub, deyə Dövlətstatkom bildirir. 08D
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz