Keçən ilin yekunu, görülən və görüləcək işlər

İranın kənd təsərrüfatı və ərzaq məhsullarının ixracını müvəqqəti dayandırmasından sonra Bakı ölkənin ərzaq bazarında yeni bir çağırışla üzləşib. Bu addım Azərbaycanda daha çox aztəminatlı ailələr tərəfindən istehlak olunan ucuz məhsulların tədarükünü poza bilər.

Azərbaycan hökuməti 2018-ci ildə “Azərbaycan Respublikasında çəltikçiliyin inkişafına dair 2018–2025-ci illər üçün Dövlət Proqramı”nı qəbul etmişdir. Sənəddə qeyd edildiyi kimi, Dövlət Proqramının məqsədi ölkə əhalisinin düyüyə olan tələbatının daha dolğun ödənilməsi, idxalın əvəzlənməsi, çəltik emalı sənayesinin inkişaf etdirilməsi və kənd əhalisinin məşğulluq səviyyəsinin yüksəldilməsi və çəltikçilik sahəsinin inkişafını stimullaşdırmaqdan ibarət olmuşdur. Hökumət proqramda konkret olaraq hədəfləri də müəyyən etmişdir: “Dövlət Proqramının icrası nəticəsində 2025-ci ildə orta məhsuldarlıq 40,0 s/ha olmaqla çəltik əkini sahələri 10 min hektara, istehsalın həcmi 40 min tona çatdırılacaqdır.” Dövlət Proqramının icra müddəti artıq 2025-ci ildə başa çatmışdır.

“Azərbaycan Respublikasında baramaçılığın və ipəkçiliyin inkişafına dair 2018–2025-ci illər üçün Dövlət Proqramı”nın icra müddəti başa çatmışdır. Xatırladım ki, Dövlət Proqramı 2017-ci ildə qəbul edilmişdir.

İlham Əliyev 2017-ci ildə qeyri-neft ixracatçılarının müşavirəsində çıxış edərkən Azərbaycanın şərab zavodlarının illik 100 milyon butulka istehsal potensialının cəmi 20–30 faizindən istifadə edildiyini bildirmiş və üzümçülüyün bərpası, ixracın isə “kəskin şəkildə artırılması” zərurətini vurğulamışdı