
ABŞ səfirliyi seçkilərlə bağlı bəyanat verdi
Azərbaycandakı Amerika Səfirliyi 9 fevral parlament seçkiləri ilə bağlı bəyanatla çıxış etdi.
Bəyanatda Amerika Birləşmiş Ştatları ATƏT DTİHB-nin monitorinq missiyasının 9 fevral seçkilərinin həqiqi rəqabətin qarşısını alan məhdudlaşdırıcı qanunverici və siyasi mühitdə keçdiyinə dair müşahidə və narahatlıqlarını bölüşdüyünü bildirdi. "Bu seçkilər mətbuat və sərbəst toplaşmaq azadlıqlarının məhdudlaşdırılması ilə əlamətdar oldu. Seçki günü DTİHB-nin müşahidə etdiyi ciddi prosedur pozuntuları, o cümlədən səs qutularının toplu bülletenlərlə doldurulması, qrup şəklində səsvermə, tutuşdurma prosedurlarına məhəl qoyulmaması və səslərin sayılması zamanı şəffaflığın məhdudlaşdırılması bizi məyus etdi".
Bəyanatda deyilir ki, Azərbaycan seçki prosesindəki pozuntuları tez bir zamanda araşdıracağına söz verib. "DTİHB-nin hesabatından məlum olur ki, çox sayda qayda pozuntuları baş verib. Bunları araşdırmaq və ATƏT DTİHB-nin keçmiş və gələcək tövsiyələrini həyata keçirmək Azərbaycan üçün ATƏT-in üzv olkəsi kimi olaraq öz üzərinə götürdüyü, daha da vacibi isə, Azərbaycan xalqı qarşısında götürdüyü öhdəlikləri yerinə yetirməsi məqsədilə vacib olacaqdır".
Bəyanatın sonunda ABŞ səfirliyi vurğulayır ki, güclü, sabit, demokratik və firavan gələcəyi təmin etmək üçün göstərdikləri səylərdə Azərbaycan hökuməti və insanlarıyla işləməyə sadiq qalır.-0-
-
- Siyasət
- 10 Fevral 2020 17:28
Siyasət
-
Fevralın 8-də jurnalist Şahnaz Bəylərqızının həyat yoldaşı onunla istintaq təcridxansında görüşüb.
-
Freedom Now beynəlxalq hüquq müdafiə təşkilatı Azərbaycan hakimiyyətini həbs edilmiş bütün jurnalistləri dərhal azad etməyə çağırıb.
-
Dövlət sirrini yaymaqda ittiham olunan hərbi ekspert Ədalət Verdiyevin işi üzrə ibtidai istintaq başa çatıb. İş baxılması üçün Bakının Nəsimi Rayon Məhkəməsinə göndərilib. Bu barədə Turan-a onun vəkili Bəhruz Bayramov bildirib.
-
Fevralın 12-də Əfv Məsələləri Komissiyasının iclasları başlayır. Bu barədə Turan-a komissiyanın üzvü Əliməmməd Nuriyev bildirib.
Jurnalistlər niyə həbs olunur? – Ərəstun Oruclu ilə gündəm müzakirəsi Çətin sualda
Xəbər lenti
-
- İqtisadiyyat,
- 12:11
- 235
Rəy yaz