Vaşinqton/09.02.23/Turan: Çərşənbə günü Ağ Ev Azərbaycanı və Ermənistanı danışıqlar masası arxasına qayıtmağa və gərginliyi azaltmağa çağırıb, xəbəri Turan-ın Vaşinqton müxbiri verib.
ABŞ-ın Milli Təhlükəsizlik Şurasının koordinatoru Con Kirbi Turan-ın Bakı və Yerevan arasında gərginliyin hazırki vəziyyəti haqqında sualına cavabda xatırladıb ki, ABŞ nizamlanmada və sülh yolunun axtarışında iştirak edir. Milli təhlükəsizlik üzrə müşavir Ceyk Sallivan öz həmkarları ilə söhbət edib, söhbətdə dövlət katibi Entoni Blinken də iştirak edib.
"Biz yenicə Luis Bononu Qafqazda danışıqlar üzrə baş müşavir təyin etmişik və onun vasitəsilə bütün digər səviyyələrdə qarşılıqlı fəaliyyəti davam etdiririk", deyə o bildirib.
"Biz diqqəti tərəfləri danışıqlara qayıtmağa razılaşdırmağa yönəltmişik və Laçın dəhlizində ticari hərəkəti bərpa etməyə çağırırıq", deyə Kirbi bildirib.
Vaşinqton gərginliyin azaldığını "görmək istəyir". "İstəyirik ki, hər iki tərəf danışıqlar masası arxasına qayıtsın. Bu, vacibdir", deyə Kirbi qeyd edib.
Ötən həftə dövlət katibi Blinken karyeralı diplomat Luis L.Bononu Qafqazda danışıqlar üzrə baş müşavir təyin edib. O, bu vəzifədə bu yaxınlarda istefaya getmiş Filip Rikeri əvəz edəcək. 25B
Siyasət
-
Demokratik Qüvvələrin Milli Şurası tərəfindən tərtib edildiyi iddia edilən saxta sənəd ətrafında qalmaqal 2013-cü ildə Azərbaycanda keçirilmiş prezident seçkilərində siyasi müdaxilə və manevrlərlə bağlı suallar doğurub.
-
Fransa Xarici İşlər Naziri Jan-Noel Barro şənbə günü Azərbaycanı Yeni Kaledoniya və digər Fransız dənizaşırı ərazilərində vəziyyəti qeyri-sabitləşdirməyə cəhd etməkdə ittiham edib. Sosial media platforması X-də etdiyi açıqlamada Barro bildirib: "Bakı qrupu bir daha Yeni Kaledoniyada milli siyasi həyatımızı qeyri-sabitləşdirməyə çalışıb. Azərbaycanın dənizaşırı ərazilərimizdəki bu mənasız cəhdləri qəbuledilməzdir və dərhal dayandırılmalıdır."
-
Azərbaycanın müdafiə nazirinin müavini və Quru Qoşunlarının komandanı, polkovnik-general Hikmət Mirzəyev Türkiyəyə rəsmi səfəri çərçivəsində Türkiyə Silahlı Qüvvələrinin Baş Qərargah rəisi, general Metin Gürak ilə görüşüb.
-
Bakı-Moskva münasibətlərində AZALın təyyarə qəzasından sonra başlayan soyuqluq, deyəsən, güclənir. Bakı getdikcə tez-tez Moskvaya təyyarənin qəzaya uğramasının və vətəndaşlarının həlak olmasının üstünü örtməyə imkan verməyəcəyini göstərir.
Rəy yaz