• contact.az Contact
  • Bakı
  • Partly cloudy7.10 C
  • Çərşənbə axşamı, 4 Fevral 2025
    • flag_EN
    • flag_RU

Son yenilənmə

(7 saat əvvəl)
Aldadılmış əmanətçilərin pulları qaytarılmayıb
A- A A+
EN RU
Turan İnformasiya Agentliyi
Turan İnformasiya Agentliyi

Aldadılmış əmanətçilərin pulları qaytarılmayıb

“Kamran MMC” tikinti şirkətinin rəhbərlərinin azadlıqdan məhrum edilməsinə baxmayaraq, məhkəmə aldadılmış əmanətçilərə vəsaitlərin qaytarılması problemini həll etməyib. Bu barədə bir qrup aldadılmış şəxs bu gün Media Mərkəzində keçirilən mətbuat konfransında bildirib.  

 
  Əmanətçilərin vəkili, “Peşəkar hüquqşünaslar” QHT-nin rəhbəri Tağı Hüseynov bildirib ki, aprelin 24-də Bakı Ağır Cinayətlər Məhkəməsi “Kamran MMC” şirkətinin rəhbəri Ələkbər Babayevi 14 il azadlıqdan məhrum edib.  Şirkətin digər 2 əməkdaşı German Hüseynov və Süleyman Əliyev 11 il azadlıqdan məhrum olunublar. Onlar CM-in 178.3.2 (dələduzluq) və 308.2 (xidməti vəzifəsindən sui-istifadə) maddələri ilə təqsirli biliniblər.
 
  Məhkəmə “Kamran MMC”nin aldadılmış müştərilərin pullarını qaytarması barədə qərar çıxarıb, eyni zamanda bu şirkətə məxsus 16 mərtəbəli binaya (Yeni Yasamal, Dadaş Bünyadzadə küçəsi, 34b) həbs qoyulması barədə Nəsimi məhkəməsinin qərarını ləğv edib. 
 
  Hüquqşünasın sözlərinə görə, məhkəmə bunu onunla əsaslandırıb ki, bina satılacaq, vəsait digər “Şaiq MMC” şirkətinin aldadılmış müştərilərinə ödəniləcək.
 
  Cəmi 60 müştərinin hüquqları pozulub.
 
  Aldadılmış müştərilər bildiriblər ki, şirkət eyni mənzili bir neçə şəxsə satıb.
 
  Vətəndaşlar hesab edirlər ki, mənzil maxinasiyasının arxasında “Şərur inşaat” şirkətinin rəhbəri İsfəndiyar Axundov durur. O, “Kamran” və “Şaiq” şirkətlərinin daxil olduğu holdinqin sahibidir.
 
  “Prezident Administrasiyasına nə qədər şikayət etmək olar? Hüquq-mühafizə orqanları ilə iş şöbəsinin rəhbəri Fuad Ələsgərov bizi qəbul etmir onun əməkdaşları kobud davranır. Biz hüquqlarımızın təmin olunmasını tələb edirik. Ya pulumuzu qaytarsınlar, ya da heç olmasa Mehdiabad, Xırdalanda da olsa ev versinlər. Həyat yoldaşım ağır xəstədir, üç uşağımız var. Nə etməliyik? Əgər dövlət bizi müdafiə edə bilmirsə,  deportasiya etsin”, - Arzu Əbdürrəhmanova adlı vətəndaş bildirib.
 
  Digər vətəndaşlar qeyd ediblər ki, onların hüquqlarının pozulması “prezidentə qarşı təxribatdır”. Onlar dövlət başçısının məsələyə müdaxilə edəcəyinə ümid etdiklərini bildiriblər.—06S- 

Rəy yaz

Siyasət

Bizi sosial şəbəkələrdə izləyin

Xəbər lenti