Açiq mənbələrdən foto.
Azərbaycanın xarici işlər naziri Avropa İttifaqının Cənubi Qafqaz üzrə xüsusi nümayəndəsini qəbul edib
Bakı/17.08.23/Turan: Avqustun 16-da Azərbaycanın xarici işlər naziri Ceyhun Bayramov Avropa İttifaqının Cənubi Qafqaz üzrə xüsusi nümayəndəsi Toyvo Klaarı qəbul edib.
Xarici İşlər Nazirliyinin məlumatında deyilir ki, tərəflər Azərbaycan-Ermənistan münasibətlərinin normallaşdırılması prosesi, beynəlxalq tərəfdaşların, o cümlədən Avropa İttifaqının vasitəçiliyilə danışıqlar, habelə mövcud regional vəziyyət barədə fikir mübadiləsi aparıblar.
Bayramov qeyd edib ki, Ermənistanın regionda hərbi-siyasi təxribatları, "blokada" və "gərgin humanitar vəziyyət" barədə yalan və əsassız bəyanatları sülhə və sabitliyə xidmət etmir.
Ermənistan Ağdam-Xankəndi yolundan istifadə və Laçın yolu ilə hərəkətin intensivləşdirilməsi, habelə erməni əhalinin reinteqrasiyası üçün onların nümayəndələrilə dialoq üzrə Avropa İttifaqının dəstəklədiyi razılaşmaları pozur.
Bütün bunlar göstərir ki, Ermənistan normallaşma prosesində maraqlı deyil, Bayramov qeyd edib.
Tərəflər qarşılıqlı maraq doğuran digər ikitərəfli və regional məsələləri də müzakirə ediblər.16d
Siyasət
-
Noyabrın 16-da BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Bakıda keçirildiyi məkanda ekofəallar iqlim dəyişkliyinə qarşı mübarizə üçün sənaye dövlətlərinin pul ödəməsini və meşə ərazilərində yaşayan insanların hüquqlarına hörmət edilməsini tələb edən aksiyalar keçirib.
-
Avropa Şurası Parlament Assambleyasının (AŞPA) Monitorinq Komitəsinin Azərbaycan üzrə həmməruzəçisi Liz Kristoffersen, vətəndaş cəmiyyəti fəalları Anar Məmmədli və Qubad İbadoğlunun sağlamlıq vəziyyətinin pisləşməsi ilə bağlı ciddi narahatlığını bildirib.
-
Şənbə günü Gürcüstanın Mərkəzi Seçki Komissiyası 26 oktyabr parlament seçkilərinin nəticələrini təsdiq edib.
-
"Amerikanın bu mübarizədə iştirak etməkdə davam etdiyini, öhdəliklərimizdən və müttəfiqlərimizdən imtina etməyəcəyimizi nümayiş etdirmək üçün COP29 iqlim konfransında iştirakı səbrsizliklə gözləyirəm". Bu barədə ABŞ-ın ən fəal ermənipərəst siyasətçilərindən biri olan konqresmen Frank Palloun noyabrın 16-da səhər saatlarında X platformasındakı hesabında yazıb.
Rəy yaz