Bakı/28.12.19/Turan: DİN və Baş Prokurorluq birgə məlumatlarında oktyabrın 29-da Bakının mərkəzində hüquq müdafiəçisi Oqtay Gülalıyevin qəsdən maşınla vurulması haqqında iddiaları təkzib edib.
Məlumatda qeyd edilir ki, istintaqla onun qəsdən vurulduğu təsdiqini tapmayıb.
İstintaq müəyyən edib ki, YNH törədən taksi sürücüsü Kənan Abdullayev sentyabr ayından etibarən Nizami küçəsində fəaliyyət göstərən hazırlıq kursundan qonşusunun övladını saat 17:30-da götürmək üçün həmin istiqamətdə hər gün hərəkət edib.
"Təhlükəsiz şəhər" videomüşahidə kameralarından alınmış görüntülər və mobil rabitə operatorlarının siqnallarından alınan məlumatlar YNH-dən iki saat əvvəl Abdullayevin və Gülalıyevin hərəkət istiqamətlərinin kəsişmədiyini göstərib. Sürücünün Gülalıyevi izləməsi halları müəyyən edilməyib.
Mingəçevir sakini Kənan Abdullayev 2019-cu ildən Bakıda sərnişindaşıma ilə məşğul olur, o, əvvəllər məhkum olunmayıb və Gülalıyevə qarşı şəxsi ədavəti olmayıb.
Həmçinin, kiminsə sürücüyə telefon və ya İnternet vasitəsilə Gülalıyevin olduğu yer barədə məlumat verməsi müəyyən edilməyib.
Digər hallar, o cümlədən Gülalıyevə tibbi yardımın göstərilməsi ilə bağlı istintaq davam etdirilir, deyə məlumatda bildirilir. -06D-
Siyasət
-
Flightradar24- təyyarələrin uçuşları haqqında real vaxt rejimində məlumat verən İsveç İnternet- xidməti bu gün Aktauda AZAL-ın təyyarəsinin qəzaya uğraması barədə məlumat dərc edib.
-
Çərşənbə günü Sankt-Peterburqda MDB liderlərinin ilcasında Rusiya prezidenti Vladimir Putin Aktauda təyyarə qəzasında adamların həlak olması əlaqədar başsağlığı verib.
-
Bakı-Qroznı reysilə uçan Embraer 190 sərnişin təyyarəsinin qəzaya uğraması ilə əlaqədar dekabrın 26-da Azərbaycanda matəm elan edilib.
-
Azərbaycan Prezidenti İlham Əliyev bazar ertəsi Sankt-Peterburqda keçirilən MDB-nin qeyri-rəsmi sammitinə gedərkən Qazaxıstanın Aktau şəhəri yaxınlığında Azərbaycan təyyarəsinin qəzaya uğraması barədə məlumat aldıqdan sonra gözlənilmədən Bakıya qayıtdı.
Rəy yaz