Açiq mənbələrdən foto.
Bakı/15.12.20/Turan: Azərbaycan hərbiçiləri Qarabağın Şuşa rayonunda Xin Şen (Kirov) kəndini Laçın-Şuşa yolu ilə birləşdirən yolu nəzarət altına götürüblər.
Eyni zamanda, bu kəndi qonşu Mets Şen kəndi (Mets Qaladarasi) ilə birləşdirən yol bağlanıb. Bu barədə dekabrın 14-də Ermənistan KİV-ləri məlumat yayıb.
Azərbaycan hərbiçilərinin bu zonaya gəlməsi və vəziyyətin gərginləşməsi dekabrın 11-12-də Azərbaycan Dövlət Təhlükəsizliyi Xidmətinin və Müdafiə Nazirliyinin iki digər kənd - Xtsabert və Xin Taxer (Çaylaqqala və Xin Tağlar) kəndləri ərazisində həyata keçirdiyi antiterror əməliyyatından sonra baş verib.
Bundan sonra Ermənistan tərəfi Azərbaycan hərbiçilərinin daha iki kəndi mühasirəyə aldığını və yerli sakinlərin bu kəndləri boşaltmağa başladığını bildirib. Ermənistan mənbələrinin məlumatına görə, Rusiya sülhməramlıları Azərbaycan tərəfi ilə danışıqlar aparırlar. Azərbaycan tərəfi hələlik bu məlumatları şərh etmir. -02D-
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz