Gəncəyə raket atılması nəticəsində 12 nəfər həlak olub, ən azı 40 nəfər yaralanıb

Bakı/17.10.20/Turan:  Gəncənin raket atəşinə tutulması nəticəsində 12 nəfər həlak olub, 40-dan artıq dinc sakin yaralanıb. Bu barədə Azərbaycanın Baş Prokurorluğu məlumat verib

FHN xilasetmə əməliyyatının davam etdiyini bildirib.

Erməni Silahlı Qüvvələrinin Gəncəyə hücumu “Elbrus” əməliyyat-taktiki raket kompleksinin (SCUD) köməyilə həyata keçirilib. Bu barədə Azərbaycan prezidentinin köməkçisi Hikmət Hacıyev Tvitter-də yazıb.

“Bu cür raketlərin əhalinin sıx yaşadığı rayonlara atılması Ermənistan hərbi-siyasi rəhbərliyinin tam mənəviyyatsızlıq və şizofrenik düşüncəsini göstərir”, - H.Hacıyev bildirib.

O bildirib ki, Gəncəyə ballistik raketlər Ermənistan ərazisindən atılıb.

“Gəncə şəhəriə ballistik raketlər Ermənistan ərazisindən atılıb”. Bu, hərbi əməliyyatlar bölgəsindən uzaqdır. Hərbi zərurət yox idi. Ermənistanın Xarici İşlər Nazirliyi bu hərbi cinayətlərə görə öz dövlətinin məsuliyyətini inkar etməyə çalışır”, - H.Hacıyev Tvitter- də guya Ermənistanda hədəfə yönələn Azərbaycan PUA-nın aşkarlanması bardə Ermənistan XİN-in bəyanatını şərh edərkən yazıb.

O həmçinin bildirib ki, Azərbaycan Hava Hücumundan Müdafiə qüvvələri Mingəçevirə raket zərbəsinin qarşısını alıb.

Öz növbəsində Azərbaycan Müdafiə Nazirliyi Azərbaycan Silahlı Qüvvələrinin Ermənistan ərazisindəki hərbi infrastruktur və mülki obyektlərə hücumları barədə məlumatları təkzib edib.

“Azərbaycan ordusu yalnız işğal olunmuş ərazilərin azad edilməsi istiqamətində qanuni hərbi hədəflərə atəş açır. Azərbaycanın Ermənistanda hərbi hədəfləri yoxdur”, - Azərbaycan hərbi idarəsinin məlumatında bildirilir.-06D--