Hadrutda əsir düşən ermənilər beynəlxalq hüquqa tabe deyil

Bakı/09.01.21/Turan: Azərbaycan Xarici İşlər Nazirliyi Ermənistan Xarici İşlər Nazirliyinin 9 yanvar tarixli açıqlamalarını rədd edir və əsassız hesab sayır. Bu barədə Azərbaycan Xarici İşlər Nazirliyinin şənbə günü verdiyi şərhdə deyilir.

Xatırladaq ki, Yerevan Bakını beynəlxalq hüququ və 10 noyabr üçtərəfli bəyanatının müddəalarını pozmaqda günahlandırıb. Erməni tərəfinin verdiyi məlumata görə, Azərbaycan dekabr ayında Hadrutda tutulan 62 hərbi əsiri qanunsuz olaraq saxlayır.

Azərbaycan Xarici İşlər Nazirliyi isə əsir götürülmüş erməni əsgərlərinin Ermənistan silahlı qüvvələrində xidmət etmək üçün Ermənistanın Şirak bölgəsindən hərbi xidmətə çağırıldığını və 26 noyabrda Azərbaycan ərazisində yerləşdirildiyini xatırladır. Yəni 10 Noyabrdakı üçtərəfli razılaşmadan sonra və bu sənədə zidd olaraq.

Bu erməni əsgərləri Azərbaycan hərbi qulluqçularına və mülki şəxslərə qarşı terror aktları həyata keçirmişlər, nəticədə Azərbaycan hərbçiləri və mülki şəxsləri arasında ölən və yaralanan var.

Bu səbəbdən bu insanlar beynəlxalq humanitar hüquqa uyğun olaraq hərbi əsir sayılmırlar və Azərbaycanın cinayət qanunvericiliyinə uyğun olaraq məsuliyyət daşıyırlar, deyə Azərbaycan XINi bildirir. -02D-