president.az
İlham Əliyevin Davos Forumundakı görüşləri
Bakı/18.01.23/Turan: Davosda Dünya İqtisadi Forumunun illik toplantısında iştirak edən prezident İlham Əliyev bir sıra beynəlxalq şirkətin rəhbərləri ilə görüşüb.
"Fortescue Future Industries" şirkətinin sədri Endrü Forest ilə görüşdə Azərbaycanda alternativ enerji sahəsində layihələrin həyata keçirilməsi məsələləri müzakirə olunub.
2022-ci ilin sonlarında Azərbaycanın Energetika Nazirliyi və "Fortescue Future Industries" şirkəti arasında imzalanmış sazişə əsasən, 12 min meqavatt külək və günəş enerjisi istehsalı üzrə layihənin həyata keçirilməsi nəzərdə tutulur. Yeni obyektlərin yaradılması Azərbaycanın Avropa ölkələrinə yaşıl enerji ixrac etməsinə imkan verəcək.
Bununla əlaqədar Əliyev Buxarestdə Azərbaycan Respublikası, Gürcüstan, Rumıniya və Macarıstan hökumətləri arasında yaşıl enerjinin inkişafı və ötürülməsi sahəsində strateji tərəfdaşlıq haqqında Sazişin imzalanmasının əhəmiyyətini qeyd edib.
Azərbaycanın beynəlxalq energetika şirkətləri ilə imzaladığı qarşılıqlı anlaşma memorandumları və sazişlər ölkədə 22 min meqavatadək külək və günəş enerjisi istehsal etməyə imkan verəcək.
Əliyevin CISCO şirkətinin qlobal innovasiyalar üzrə vitse-prezidenti Qay Didrix ilə görüşündə Azərbaycanda rəqəmsallaşdırma layihələrinin həyata keçirilməsi məsələləri müzakirə olunub.
CISCO şirkətinin iştirakı ilə Zəngilan rayonunda "Ağıllı şəhər" və "Ağıllı kənd" layihələri həyata keçirilir.
Söhbət zamanı Azərbaycanda su resurslarından istifadədə CISCO şirkətinin texnologiyalarının tətbiqindən danışılıb, təhsil və kibertəhlükəsizlik sahəsində əməkdaşlıq perspektivləri müzakirə olunub.
Forum çərçivəsində Azərbaycan prezidentinin həmçinin Niderlandın Damen Shipyards Group şirkətinin icraçı direktoru və səhmdarı Arnout Damen, The Goldman Sachs Group Inc. şirkətinin qlobal məsələlər üzrə prezidenti Cared Kohen, Kromatix SA şirkətinin baş icraçı direktoru Rafik Hanbali, Signify (əvvəlki adı Philips Lighting) şirkətinin baş icraçı direktoru Erik Rondolat, Carlsberg Group şirkətinin prezidenti və baş icraçı direktoru Kes t`Hart ilə görüşü olub. 16B06
-
- Maliyyə
- 18 Yanvar 2023 13:43
Siyasət
-
Sentyabrın 27-də Azərbaycanın xarici işlər naziri Ceyhun Bayramov Birləşmiş Millətlər Təşkilatı Baş Assambleyasının 79-cu sessiyasında iştirakı çərçivəsində almaniyalı həmkarı Annalena Berbok ilə görüşüb.
-
VII çağırış Milli Məclisin payız sessiyasının ilk iclası sentyabrın 30-da keçiriləcək. Parlamentin mətbuat və ictimaiyyətlə əlaqələr şöbəsindən bildiriblər ki, iclasda Milli Məclisin yeni üzvlərinə Mərkəzi Seçki Komissiyası tərəfindən deputat vəsiqələri təqdim olunacaq. Bundan əlavə, daimi parlament komitələrinin tərkibi formalaşdırılacaq.
-
Birləşmiş Ştatlar cümə günü bildirib ki, Azərbaycan və Ermənistan Bakıda keçiriləcək BMT-nin iqlim konfransı COP29 ərəfəsində sülh razılaşmasına nail ola biləcəklərinə ümid edir.
-
Cümə günü Bakı Ağır Cinayətlər Məhkəməsində müxalif siyasətçi Tofiq Yaqublunun işi üzrə proses davam edib. Yaqublunun vəkilləri Demokratik Qüvvələrin Milli Şurasının üzvlərindən, müxalif fəallardan əlavə şahidlərin, o cümlədən siyasətçinin həyat yoldaşı Maya Yaqublunun məhkəməyə dəvət olunması haqqında vəsatət qaldırıblar.
Rəy yaz