Bakı/26.04.23/Turan: Ötən həftə Azərbaycan kəşfiyyat peykini itirib. Bundan sonra Bakı “Israel Aerospace Industries” şirkətinə 120 milyon dollara iki yeni peyk sifariş edib. Bu barədə aprelin 26-da İsrailin “Haaretz” nəşri məlumat yayıb.
Ötən həftə Bakıda səfərdə olan İsrailin xarici işlər naziri Eli Koen “Times of Israel” qəzetinə müsahibəsində Azərbaycanın “peyk müqaviləsində İsrail şirkətini seçdiyini təsdiqləyib.
Kütləvi informasiya vasitələrinin məlumatlarına, rəsmi açıqlamalara əsasən, İsrail Bakıya geniş çeşiddə hərbi texnika ixrac edib - Tavor tüfəngindən tutmuş ən qabaqcıl texnologiyalara, o cümlədən radarlar, hava hücumundan müdafiə sistemləri, tank əleyhinə və ballistik raketlər, gəmilər və müxtəlif növ hərbi texnika, eləcə də hərbi və kəşfiyyat pilotsuz təyyarələri.
İsrail şirkətləri Azərbaycanda jurnalistlərə və hüquq müdafiəçilərini izləmək üçün Verint və Pegasus casus texnologiyalarını da verib. -02D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz