Kreml üçtərəfli Putin-Əliyev-Paşinyan görüşü təstiglədi

Moskva / 10.01.21 / Turan: “Vladimir Putinin təşəbbüsü ilə 11 yanvarda Rusiya Federasiyasının Prezidenti, Azərbaycan Respublikasının Prezidenti İlham Əliyevin və Ermənistan Respublikasının Baş naziri Nikol Paşinyanın Moskvada üçtərəfli danışıqları keçiriləcək”, - bunu Kremlin mətbuat xidməti 10 yanvarda bildirdi.

“Azərbaycan, Ermənistan və Rusiya liderlərinin Dağlıq Qarabağla bağlı 9 Noyabr 2020-ci il tarixli Bəyanatının icrasına baxılması və bölgədəki problemlərin həlli üçün gələcək addımların müzakirə edilməsi planlaşdırılır.

Hərbi əməliyyatlara məruz qalan bölgələrin sakinlərinə yardım göstərilməsi, ticarət, iqtisadi və nəqliyyat əlaqələrinin açılması və inkişafı məsələlərinə xüsusi diqqət yetiriləcəkdir.

Bundan əlavə, Vladimir Putinin İlham Əliyev və Nikol Paşinyanla ayrıca danışıqları nəzərdə tutulur ”- deyə bildirildi.

Beləliklə, görünşün  özü və gündəliyi təsdiqləndi. Göründüyü kimi, Naxçıvana yolun açılması əsas mövzu olacağı ilə bağlı proqnozlar təsdiqlənir.

Hərbi əsirlərə və erməni qüvvələrinin Qarabağdan çıxarılmasına gəlincə, bu məsələlər bir-biri ilə əlaqələndirilə bilər.

Azərbaycan və Ermənistan Təhlükəsizlik Xidmətləri rəhbərlərinin 8 yanvar görüşü məhz buna həsr olunmuşdu.-02B-