![Açiq mənbələrdən foto.](https://turan.az/resized/media/2023/main/050200061715-750-500-resize.webp)
Açiq mənbələrdən foto.
Son beş ayda Rusiya Ukraynada 100 min insan itirib
Vaşinqton/02.05.23/Turan: Bayden administrasiyası hesab edir ki, ötən ilin dekabrından Rusiya Ukraynada 100 minə yaxın insan itirib, o cümlədən 20 mindən çoxu həlak olub, onlardan 10 mini Vaqnerin muzdluları olub, Turan-ın Vaşinqton müxbiri xəbər verir.
Ağ Evin Milli Təhlükəsizlik Şurasının sözçüsü Con Kirbi bazar ertəsi jurnalistlərə bildirib ki, “Rusiya hərbi ehtiyatlarını və silahlı qüvvələrini tükəndirib”. "Bu rəqəmlər həqiqətən heyrətləndiricidir", o dedi.
Belə böyük itki Vaqnerin qoşunlarının hazırlıqsızlığı, komandanlığın pis təşkili və onların keçmiş cinayətkar olması ilə izah olunur.
Dövlət Departamenti də öz növbəsində rusların Ukraynadakı vəhşiliklərinə görə cavabdehlik daşımaq üçün addımlar atmağa davam edəcəyini bildirib.
“Biz Rusiya qoşunlarının törətdiyi vəhşilikləri gördük, ukraynalı tərəfdaşlarımızı dəstəkləmək üçün əlimizdən gələni edirik ki, onların müdafiə vasitələrinə sahib olsunlar. Biz həmçinin Rusiya Federasiyasının məsuliyyətə cəlb edilməsi üçün addımlar atmağa davam edəcəyik”, - deyə mətbuat katibinin müavini Vedant Patel gündəlik brifinq zamanı bildirib.-0-
-
- Maliyyə
- 2 May 2023 10:52
Siyasət
-
Ermənistan Azərbaycanın sülh müqaviləsi layihəsi ilə bağlı son təkliflərinə cavab verib. Bunu iyulun 25-də Ermənistan Xarici İşlər Nazirliyinin mətbuat katibi Ani Badalyan bildirib.
-
İyulun 25-də Azərbaycanın iqtisadiyyat naziri İsrail Xarici İşlər Nazirliyinin baş katibi Yakob Blitşteyni qəbul edib.
-
İyulun 25-də Bakı Ağır Cinayətlər Məhkəməsində narkotik ittihamı ilə həbs edilən fəal İlhamiz Quliyevin cinayət işi üzrə məhkəmə prosesi davam etdirilib.
-
İyulun 25-də Ermənistan Təhlükəsizlik Şurasının katibi Armen Qriqoryan ABŞ Dövlət Departamentinin Cənubi Qafqaz məsələləri üzrə baş müşaviri Lui Bononu qəbul edib.
Rəy yaz