Sülməramlılar Laçın dəhlizində pilotsuz uçan aparatlara qarşı mübarizə məşğələləri keçirir

Bakı/30.08.21/Turan: Rusiya sülhməramlıları “şərti düşmənin pilotsuz aviasiyadan istifadə ilə yol verəcəyi mümkün pozuntuların qarşısının alınması və Laçın dəhlizindəki müşahidə postlarında təhlükəsizliyin təmin edilməsi üzrə” plana uyğun məşğələlər keçiriblər. Bu barədə Rusiya sülhməramlılarının bazar ertəsi yaydığı informasiya bülletenində deyilir.

Məşğələlər altı təlim yerində keçirilib. Hərbi qulluqçular şərti pozucunun mühasirəyə alınması, pozuntulara və posta mümkün hücuma yol verilməməsi üzrə yeni taktiki üsul və tədbirləri məşq ediblər.

“Məşğələlərin keçirilməsinin xüsusiyyəti müşahidə postunun məsuliyyət zonasında pilotsuz uçan aparatların aşkar edilməsi, məlumatın xüsusi rabitə kanalları ilə Rusiya sülhməramlı kontingentinin idarəetmə məntəqəsinə ötürülməsi vəzifələrinin yerinə yetirilməsi olub”, deyə məlumatda bildirilir. -02D-