Bu gün Nərimanov rayon məhkəməsi ilahiyyatçı Taleh Bağırzadənin həbs müddətini daha bir ay uzadıb.
Onun vəkili Cavad Cavadlının Turan-a verdiyi məlumata görə, bununla martın 31-də qanunsuz narkotik saxlamaq ittihamı ilə həbs edilmiş Bağırzadənin həbs müddəti üçüncü dəfə uzadılır.
İstintaq həbs müddətinin uzadılmasını Bağırzadənin çıxışlarının dini-linqvistik ekspertizasının cavabının gəlməsi zərurəti ilə əsaslandırıb. Bağırzadənin xütbələri Dini Qurumlarla İş üzrə Dövlət Komitəsinə təqdim edilib. Eyni zamanda, narkoloji ekspertiza təsdiq edib ki, o, narkoman deyil.
Vəkil Bağırzadəyə qarşı yeni ittihamlar irəli sürülməsi ehtimalını istisna etmir. Onun sözlərinə görə, Bağırzadə heç vaxt dövlət əleyhinə bəyanatlar verməyib, yalnız hakimiyyəti tənqid edib ki, bu da vətəndaşın konstitusiya hüququdur.
Bu gün Nərimanov rayon məhkəməsinin binası qarşısında Bağırzadənin Hüquqlarını Müdafiə Komitəsi flaş-mob şəklində etiraz aksiyası təşkil edib.
Komitə sədri Mirqasım Əliyevin bildirdiyinə görə, aksiya iştirakçıları üzərində “Mən də Talehəm, məni də tut!”, “Siyasi məhbus Taleh Bağırzadəyə azadlıq” yazılan plakatlar qaldırıblar.
Polis bir neçə aksiya iştirakçısının əlindən plakatları alıb, saxlanılan olmayıb.
Taleh Bağırzadə martın 31-də saxlanılıb, iki gün sonra isə Sabunçu məhkəməsi onun 234.1-ci (narkotik əldə etmə və saxlama) maddə ilə həbsinə icazə verib.
İşi DİN-in Mütəşəkkil Cinayətkarlığa qarşı Mübarizə İdarəsi aparır. Onun həbsinin əsl səbəbi martın 24-də xütbəsində hakimiyyətin ünvanına səsləndirdiyi kəskin tənqid olub. -16B04-
Siyasət
-
Yanvarın 29-da keçirilən bələdiyyə seçkilərində altı seçki məntəqəsinin nəticələri ləğv edilib.
-
"Bütün siyasi məhbusların azad olunmasını tələb edirik. Siyasi məhbusların sağlıq durumuna görə hakimiyyət məsuliyyət daşıyır", - fevralın 3-də Müsavat Partiyası Divanının (İdarə Heyəti) iclasında bildirilib.
-
Turan agentliyinin iqtisadiyyat şöbəsinin redaktoru Hafiz Babalanın Qafqazinfo.az İnternet- nəşrə qarşı iddiasına baxılması əsassız olaraq yubadılır. Babalı “Abzas Media” nəşrinin işi üzrə həbs edilib.
-
Dövlət başçısının sərəncamı ilə Rüfət Əzizov Azərbaycan Dövlət Neft və Sənaye Universitetinin rektoru təyin edilib.
Rəy yaz