Açiq mənbələrdən foto.
Bakı/14.06.22/Turan: Mayın 31-dən iyunun 8-nə qədər sərhədçilər İran-Azərbaycan sərhədində bir neçə narkotaciri saxlayıb, 12,5 kq narkotik maddə və 5 minə yaxın psixotrop həb müsadirə edilib. Bu barədə Azərbaycan Dövlət Sərhəd Xidmətinin məlumatında deyilir.
Mayın 31-də saat 23.00-da Astara rayonunda İran tərəfdən dövlət sərhədinin pozulduğu qeydə alınıb. Axtarış tədbirləri zamanı yerli sakin, 1993-cü il təvəllüdlü Gündüz İmaməliyev saxlanılıb. Onun gizlətdiyi çantanın içində 8 kq-a yaxın müxtəlif narkotik vasitə, o cümlədən heroin və metamfetamin, habelə 976 psixotrop həb aşkar edilib.
İyunun 1-də İmişli rayonunda dövlət sərhədinin pozulması qeydə alınıb. Axtarış zamanı sərhədçilər 2002-ci il təvəllüdlü Cəlilabad sakini Fərəc Abbaszadəni saxlayıblar. Onun üzərində içərisində 3,3 kq heroin və metamfetamin olan bağlama aşkar edilib.
İyunun 8-də axşam saatlarında Astara rayonunda sərhədçilər bir nəfərin sərhəd hasarına yaxınlaşıb nə isə götürdüyünü görüblər. Pozucunun axtarışı zamanı Ələt-Astara avtomagistralında 1982-ci il təvəllüdlü Lənkəran sakini Kənan Ağayev saxlanılıb. Onun üzərində 403 qr heroin və 2980 matedon həbi aşkar edilib.
Bütün faktlarla bağlı araşdırma aparılır. -02D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz