Açiq mənbələrdən foto.
Bakı/01.05.23/Turan: Azərbaycan Dövlət Sərhəd Xidməti aprelin 25-dən mayın 1-dək İrandan narkotik maddə qaçaqmalçılığına bir neçə cəhdin qarşısını alıb.
Ümumilikdə, 87 kiloqramdan çox narkotik maddə və 19 758 ədəd psixotrop həb götürülüb.
"Lənkəran", "Horadiz" və "Göytəpə" sərhəd dəstələrinin ərazisində aparılan əməliyyatlar nəticəsində Lənkəran sakinləri Rafael Əsgərov (1965-ci ildə anadan olub) və onun oğlu Kənan Əsgərzadə (1991-ci il) saxlanılıb.
Gizlənən başqa bir şübhəlinin axtarışı aparılır.
Bundan əlavə, Bakı sakini Murad Əliyev (1979-cu ildə anadan olub) və Şərur rayon sakini Emin Əsgərov saxlanılıb, onlar da Azərbaycan ərazisinə narkotik maddə gətirməyə cəhd ediblər.
Sözügedən faktlar üzrə əməliyyat-axtarış tədbirləri davam edir. 05В96
Cəmiyyət
-
Xalq artisti Ağadadaş Ağayevlə baş verən insidentlə əlaqədar cinayət işi açılıb. Bu barədə Daxili İşlər Nazirliyindən Turan-ın sualına cavab olaraq bildiriblər.
-
İyulun 24-də saat 03:30-da Azərbaycan Sərhəd Qoşunlarının "Göytəpə" sərhəd dəstəsinin xidməti ərazisində iki naməlum şəxs İran tərəfdən Azərbaycan istiqamətində dövlət sərhədini pozub.
-
Buzovna çimərliyinə gələnlərin çəkdikləri və azinform informasiya portalının yaydığı videoda gecə Xəzər dənizinə çirkab sularının gizli axıdılması halları aşkar edilib ki, bu da ətraf mühitə laqeyd münasibət və əhalinin sağlamlığı üçün risklər ilə bağlı narahatlıq yaradıb.
-
Azərbaycan Xalq Cəbhəsi Partiyası Gəncə rayon şöbəsinin fəalı, iki il əvvəl Gəncədə həbs edilmiş Razi Alışovun məhkəməsi başa çatıb.
Rəy yaz