Bakı/15.01.19/Turan: Azərbaycan Beynəlxalq Bankı İdarə heyətinin keçmiş sədri, həbsdə olan Cahangir Hacıyevin bacısı Əminə Hacıyeva prezident İlham Əliyevə müraciət edərək onunla qardaşının görüşünü qadağan edən Baş Prokurorluğun hərəkətindən şikayətlənib.
Ə.Hacıyeva bildirib k, qadağa səbəbindən 2018-ci ilin sentyabrından qardaşı ilə görüşlərnə və telefon danışıqlarına son qoyulub.
"Baş Prokurorluq bizim sorğumuza cavab vermir", - Ə.Hacıyeva yazır. Məsələni İnzibati-İqtisadi Məhkəməsi ilə həll etmək cəhdləri nəticəsiz qalıb.
"Ənənəvi baxışlardan irəli gələn maneələr, əngəllər və qanunsuzluq bizə böyük məhrumiyyətlər gətirir. Bir neçə aydır ki, hüquq-mühafizə orqanlarında davam edən qanunsuzluq məni yenidən sizə müraciət etməyə vadar edir. Hesab edirik ki, bizim ardıcıl müraciətlərimiz sizə gəlib çatmır. Odur ki, qanunsuzluğun aradan qaldırılmasına yardımçı olmanızı səbirsizliklə gözləyirik", - Ə.Hacıyeva yazır.
* Cahangir Hacıyev 2015-ci il dekabrın 5-də həbs olunub. Bakı Ağır Cinayətlər Məhkəməsi onu 15 il azadlıqdan məhrum edib.
C.Hacıyev və digər yeddi nəfər sui-istifadə, külli miqdarda zərər vurmaqla dələduzluqda, mənimsəmə və israfçılıqda, vəzifə səlahiyyətlərini aşmaqda, rüşvət verməkdə təqsirli biliniblər.
C.Hacıyev günahını etiraf etməyib, onun vəkilləri isə məhkəməni qeyri-obyektiv adlandırıblar.0-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz