![ABB-nin keçmiş sədrinin bacısı onun taleyindən narahatdır](https://turan.az/resized/media/2018/main/092500013503-750-500-resize.webp)
ABB-nin keçmiş sədrinin bacısı onun taleyindən narahatdır
Bakı/25.09.18/Turan: ABB İdarə Heyətinin keçmiş sədri Cahangir Hacıyevin bacısı bildirib ki, 7 gündür doğmaları və yaxınları onun haqqında məlumata malik deyil, Penitensiar müəssisədə onun üçün yemək və dərman qəbul etməkdən isə imtina edirlər.
Hacıyeva bu əməlləri qardaşının həyatına qəsd kimi qiymətləndirir: "Cümə günü, sentyabrın 21-də Cahangir vəkili Aqil Lahıcla görüşə çıxmayıb. Mənim müraciətlərim diqqətdən kənarda qalır. Yəqin ki, bunu qardaşımın həyatına qəsd kimi qiymətləndirmək lazımdır".
Onun sözlərinə görə, faktiki olaraq bütün bunlar sentyabrın 15-də, Baş Prokurorluğun sərəncamı ilə doğmaları ilə görüşlərə, telefon danışıqlarına və yemək və dərman qəbuluna son qoyulduqdan sonra başlayıb. Hazırda vəkil Aqil Lahıca prokurorluq tərəfindən Vəkillər Kollegiyası vasitəsilə böyük təzyiq göstərilir.
Bir müddət əvvəl C.Hacıyevin hüquqlarını müdafiə edən vəkil Fəxrəddin Mehdiyev artıq vəkillik lisenziyasından məhrum edilib.
"Qardaşımın bütün hüquqları pozulub. Hətta qətl törətmiş insanı yemək və dərmandan məhrum etmirlər. Belə bir sual yaranır, Cahangir Hacıyevin təcrid edilməsi, blokadası və ona qarşı belə təzyiq kimə və nə üçün lazımdır?", deyə Əminə Hacıyeva qeyd edir.
"Azərbaycan Beynəlxalq Bankı" ASC-nin İdarə Heyətinin keçmiş sədri Cahangir Hacıyev 2016-cı il oktyabrın 14-də 15 il müddətinə azadlıqdan məhrum edilib. Daha üç təqsirləndirilən şəxs real cəza alıb, dörd nəfər şərti cəzaya məhkum edilib.
Məhkəmə müttəhimləri Azərbaycan CM-in 179.3.1, 179.3.2 (mütəşəkkil qrup tərəfindən böyük ölçüdə mənimsəmə), 308.2 (vəzifə səlahiyyətlərindən sui-istifadə, ağır nəticələrə səbəb olduqda), 309.2 (vəzifə səlahiyyətlərini aşma, ağır nəticələrə səbəb olduqda), 313 (vəzifə saxtakarlığı), 228.1 və 228.4-cü (odlu silah, onun komplekt hissələrinin, döyüş sursatlarının qanunsuz olaraq əldə edilməsi, daşınması və ya gəzdirilməsi) maddələri ilə təqsirli bilib.
C.Hacıyev təqsirini boynuna almayıb, müdafiəçiləri məhkəməni qeyri-obyektiv adlandırıblar. -0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz