Açiq mənbələrdən foto.
ABŞ və Böyük Britaniya səfirlikləri Homofobiya, Transfobiya və Bifobiyaya Qarşı Mübarizə Gününü qeyd ediblər
Bakı/17.05.22/Turan: 17 May - Beynəlxalq Homofobiya, Transfobiya və Bifobiya ilə Mübarizə Günüdür. Bununla əlaqədar ABŞ və Böyük Britaniyanın Azərbaycandakı Səfirlikləri öz ölkələrinin bayrağı ilə yanaşı LGBT+ bayrağı qaldırıb.
ABŞ-ın Azərbaycandakı Səfirliyi bildirir ki, Ümumdünya İnsan Hüquqları Bəyannaməsində hər kəsin insan haqlarına və əsas azadlıqlara malik olduğu qeyd edilir.
"Bütün dünyada lezbiyan, gey, biseksual, transseksual, queer və interseks insanların töhfələrini qeyd etməklə, Birləşmiş Ştatlar bu ümumi dəyəri bir daha vurğulayır: Hər kəs ləyaqətlə yaşamağa layiqdir", deyə ABŞ Səfriliyi bildirir.
Böyük Britaniya Səfriliyinin məlumatında isə deyilir ki, kim olduğuna və ya kimi sevdiyinə görə heç bir şəxs nifrət və zorakılıqla üzləşməməlidir.
"Böyük Britaniya LGBT+ hüquqlarını beynəlxalq səviyyədə müdafiə etməyə davam edir", deyə məlumatda qeyd edilir. -03-
Cəmiyyət
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
-
Yanvarın 14-də saat 12:30-da Dövlət Sərhəd Xidmətinin Sərhəd Qoşunları Komandanlığının "Horadiz" sərhəd dəstəsinin xidməti ərazisində ümumi çəkisi 37 kiloqram 396 qram narkotik vasitənin - marixuananın qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
Rəy yaz