Adamyeyən bəbir haqqında məlumat təsdiqlənmir

Dünən bir sıra KİV-lər Azərbaycanın cənubunda Lerik rayonunda guya bəbir tərəfindən parçalanan 18 yaşlı qızın faciəvi ölümü haqqında məlumat yayıb.

Hadisə ətraflı təsvir olunur və qızın adı açıqlanırdı. Xüsusən, bəbirin qurbanının əllərini və ayağının bir hissəsini yediyi iddia olunurdu. Bu zaman başqa təfsilat və şahidlərin ifadəsi təqdim edilmirdi.

Hüquq-mühafizə orqanları və yerli hakimiyyət bu məlumatla bağlı şərh verməyib. Lakin martın 27-də axşam saatlarında Lerikin icra hakimiyyəti qızın ölümü faktını təkzib edi.b. Sonradan qızı bəbirin deyil, canavarın parçaladığı haqqında məlumatlar səslənib.

Martın 28-də DİN-dən  Turan agentliyinə qızın bəbir tərəfindən öldürülməsi haqqında məlumatı təkzib edib. “Belə bir fakt qeydə alınmayıb və bu barədə məlumat şayədir." deyə DİN-in mətbuat xidmətinidən bildirilib.

Qeyd edək ki, Azərbaycanda bəbirlərin insanlara hücumu halları qeydə alınmayıb. Talış dağlarında yaşayan bəbir sayı 15-18-ə bərabərdir. Bu nadir heyvan dövlətin mühafizəsi altındadır və zooloqlar uzun illərdir bu heyvanları brakonyerlərdən qoruyur. Lakin bir neçə il əvvəl Talış dağlarında bir bəbir güllələnib. -02B16-