Bakı/27.12.17/Turan: Azərbaycan Demokratiya və Rifah (ADR) Hərəkatının Qazax rayon təşkilatının sədri Nizami Haqverdiyev (Qaraoğlu) aliment ödəməmək ittihamı ilə 15 gün müddətinə həbs edilib.
Amma ADR Hərəkatı ittihamı əsassız hesab edir.
"Məsələ ondadır ki, N.Qaraoğlunu çoxdan idi ki, təqib edirdilər, bu da onun Hərəkatdakı aktiv siyasi fəaliyyətilə bağlı idi", deyə ADR Hərəkatının sədr müavini Ədalət Yusubov Turan-a bildirib.
Onun sözlərinə görə, Qaraoğlu maddi çətinlikləri ilə əlaqədar bu ilin iyul-sentyabr aylarında qazanc üçün Türkiyədə olub. Qayıtdıqda həyat yoldaşını və uşağını evdə görməyib. Məlum olub ki, onlar qaynının evinə sığınıblar.
"Qaraoğlu boşanmasa da, onun üzərinə aliment ödəmək öhdəliyi qoyublar, özünə isə bu barədə məlumat verməyiblər. Dekabrın 20-də məhkəmə icraçıları onu Qazax rayon məhkəməsinə çağırıblar və oradaca aliment ödəməmək ittihamı ilə 15 gün müddətinə inzibati həbs cəzası veriblər", deyə Yusubov qeyd edib.
ADR Hərəkatı Qaraoğlunun həbsinin siyasi motivli olduğunu hesab edir.
ADR Hərəkatı 2014-cü ilin dekabrında Müsavat Partiyasını tərk edən bir qrup fəal tərəfindən yaradılıb. Təşkilata məşhur iqtisadçı ekspert Qubad İbadoğlu rəhbərlik edir. -05B06-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz