Огтай Гюлалыев
Oqtay Gülalıyev ona xarici pasport verilməsini tələb edir
Bakı/27.12.17/Turan: "Siyasi Məhbuslarsız Azərbaycan" İctimai Alyansının rəhbəri Oqtay Gülalıyev 6 ildir ki, ona ümumvətəndaş pasportunun verilməsindən imtina edilməsi ilə bağlı DİN-ə müraciət edib.
Gülalıyevin Turan-a verdiyi məlumata görə, hələ 2012-ci ildə ona qarşı saxta cinayət işi açılmışdı. Həmin vaxt o, Kür və Araz çaylarında dağıdıcı daşqından ziyan çəkmiş əhaliyə hüquqi yardım və əlaqələndirmə yardımı göstərən "Kür" vətəndaş cəmiyyəti qərargahının əlaqələndiricisi idi.
Amma bir il əvvəl iş bağlanıb, onun ölkədən çıxışına qoyulmuş qadağa isə əvvəlki kimi qüvvədədir.
O, dəfələrlə xarici pasport verilməsi üçün müraciət edib və hətta dövlət rüsumunu ödəyib, amma hər dəfə ASAN xidmət mərkəzindən ona pasport verməkdən imtina edərək, DİN-ə müraciət etməyi məsləhət görüblər.
2016-cı ildə belə bir müraciətdən sonra onu Xətai rayon polis idarəsinin 37-ci polis bölməsinə aparıblar və xəbərdarlıq edərək, iki saat sonra buraxıblar.
Gülalıyev hüquqlarının kobud şəkildə pozulması ilə əlaqədar DİN başçısı Ramil Usubova müraciət edib.
Fəal qeyd edib ki, sonuncu dəfə bu idarəyə müraciət edir və nəticəsi olmasa, məhkəməyə müraciət edəcək, işi Avropa İnsan Hüquqları Məhkəməsinə qədər aparacaq. Hüquq müdafiəçisi hesab edir ki, onu qəsdən girov kimi ölkədə saxlayırlar. -06D-
Cəmiyyət
-
"Koroğlu" metrostansiyasının cənub çıxışında nəqliyyat mübadilə mərkəzi yaradılması ilə bağlı Azərbaycan Yerüstü Nəqliyyat Agentliyi (AYNA) tərəfindən layihə hazırlanaraq Nəqliyyatı Əlaqələndirmə Şurasına təqdim olunub və müvafiq qaydada razılaşdırılıb.
-
Mayın 3-də Bakıda və Abşeron yarımadasında temperaturun aşağı düşəcəyi və havanın yağıntılı olacağı gözlənilir. Sinoptiklərin proqnozuna görə, cümə günü axşam yağış yağacağı gözlənilir. Güclü şimal-qərb küləyi əsəcək.
-
Mayın 1-də ABŞ Maliyyə Nazirliyinin açıqladığı sanksiya siyahısında 60 şirkətin adları var və Rusiya ilə yanaşı Azərbaycan, Belçika, Çin, Birləşmiş Ərəb Əmirlikləri (BƏƏ), Slovakiya və Türkiyə şirkətləri də sanksiyalar altına düşüb.
-
Azercell-in həssas qadın qrupları üçün təşkil etdiyi təlimlər davam edir Azercell və “Ümidli Gələcək” İB-in “Gələcəyi öz əllərinlə yarat” layihəsi çərçivəsində növbəti təlim baş tutub. “Təmiz dünya” Qadınlara Yardım İctimai Birliyinin sığınacağında keçirilmiş təlimə yetkin qadınlarla yanaşı həm də yeniyetmə və gənc qızlar qatılıb. Təlimdə Azercell Akademiyasının mütəxəssisləri iştirakçılara “yumşaq bacarıqlar” - daxili motivasiya, ünsiyyət, empatiya, emosional zəka barədə məlumat veriblər. Qadın sığınacağının sakinləri isə öz növbələrində hədəfləri, karyera və təhsil planları barədə mütəxəssislərdən tövsiyələr alıblar.
Rəy yaz