Bakı/29.06.20/Turan: AFR-də azərbaycanlı siyasi mühacirlərin aksiyaları
Bakı/29.06.20 / Turan: İyunun 28-də azərbaycanlı siyasi mühacirlər Almaniyanın Arnsberq, Hamm və Soest şəhərlərində etiraz aksiyaları keçiriblər. Aksiyalarda məqsəd diqqəti Azərbaycanda insan hüquqlarının pozulmasına yönəltmək olub.
DAS təşkilatının (“Demokratik Azərbaycanı seç”) üzvü və aksiyaların təşkilatçısı Elnur Mirzəyev bildirib ki, nümayişçilər Almaniya ictimaiyyətini dünyada antidemokratik rejimlərin əməllərinə biganə qalmamağa çağırıblar.
Aksiyalar “Bütün diktatorlar koronavirus pandemiyası kimi qorxuludur!” şüarı altında keçirilib.
Əsasən etirazçılar diqqəti Azərbaycanda fəalların həbsinə və onlara qarşı işgəncə tətbiq edilməsinə yönəldiblər.
Hakimiyyətin tənqidçiləri uydurma ittihamlarla inzibati və cinayət həbslərinə məruz qalırlar. 20-dən çox fəal həbs olunub, kütləvi repressiyalar aparılır, ölkədə 160-a yaxın siyasi məhbus var.
Əvvəllər Köln, Leverkuzen və Langelfelddə analoji aksiyalar keçirilib.
Bundan öncə Dağıstanın Qullar qəsəbəsində çadır düşərgəsində olan Azərbaycan vətəndaşlarına qarşı Rusiyanın güc strukturlarının sərt əməliyyatına etiraz olaraq Bonnda RF-nın AFR-dəki səfirliyinin qarşısında aksiya keçirilib.
Mühacir dairələrinin məlumatına görə, yaxın günlərdə siyasi mühacirlər Almaniyanın digər şəhərlərində də aksiyalar keçirəcəklər.06D-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz