Həsənağa Söhbətov özünü yandırıb
Bakı/16.01.18/Turan: Ağdaş rayonunun Xosrov kənd sakini Həsənağa Söhbətov bu gün, yanvarın 16-sı rayon mərkəzində üzərinə benzin tökərək özünü yandırıb. Onun Dövlət Yol Polisi əməkdaşları ilə mübahisə zəmnində intijhara cəhd etdiyi bildirilir.
Lent.az-ın məlumatına görə, Həsənağa Söhbətov 10 LS 956 dövlət nömrə nişanlı "VAZ 2105" markalı minik avtomobilini etibarnaməsiz idarə edib. Avtomobilin əvvəlki sahibi Mikayıl Hüseynovun banka 1660 manat borcu olduğundan, nəqliyyat vasitəsinin üzərinə Ağdaş rayon Məhkəməsi tərəfindən həbs qoyulduğu bildirilir.
Yol polisi əməkdaşları məhkəmə qərarı əsasında maşını Ağdaş rayon Polis Şöbəsinə aparmaq istəyiblər. H.Söhbətovun nəqliyyat vasitəsinin əvvəlki sahibinin banka borcu olmasına görə məsuliyyət daşımadığını bildirdiyi, polis əməkdaşlarının tələbinə əməl etmədiyi bildirilir. Onun polislərlə mübahisə zəmnində özünə od vurduğu deyilir.
Hadisə Agdaş rayonundakı mərkəzi bazarın qarşısında baş verib. Yaxınlıqdakı vətəndaşların və polis əməkdaşlarının müdaxiləsi ilə yangın söndürülüb, H.Söhbətov Ağdaş rayon Mərkəzi Xəstəxanasına aparılıb.
Onun baş, üz nahiyələrinin, əllərinin yandığı bildirilir.
Xəstəxanadan bildiriblər ki, H.Söhbətovun həyatı üçün təhlükə yoxdur. Ancaq onun bədəninin 20 faizdən çoxu ağır dərəcədə yanıb.
Xatırladaq ki, bir neçə gün əvvəl oxşar hadisə Göyçay rayonunda baş vermişdiş
Göyçay şəhərinin Heydər Əliyev prospektində yerləşən 9 saylı orta məktəbin direktoru Akif Qəribov məktəbin qarşısında qolunun şah damarını kəsərək intihara cəhd etmişdi.
Agır vəziyyətdə xəstəxanaya yerləşdirilmiş Akif Qəribovun ondan yüksək məbləğdə pul tələb olunmasına görə, özünə qəsd etdiyi deyilirdi. Rəsmi qurumların təsdiqlədiyi həmin olay Göyçay rayon Prokurorluğunda araşdırılır.
Yanvarın 9-da isə Masallı rayonu Şərəfə kənd sakini Raqif Zeynalovun rayon məhkəməsinin qarşısında özünü yandırdığı açıqlanmışdı. Onu əvvəlcə rayon xəstəxanasına, ardınca Bakıdakı klinikalardan birinə yerləşdirmişdilər.
Yaxınları bildirmişdilər ki, R.Zeynalov bank kartındakı 50 manat pulun məhkəmə qərarı ilə tutulmasına görə intihara cəhd edib.
Rəsmi ququmlar bu olayla bağlı açıqlama verməmişdi.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz