Bakı/20.04.19/Turan: "Mənim qeyri-şəffaf fəaliyyətim və gəlirlərim barədə yazılanların hamısı böhtan və təzyiq cəhdindən başqa bir şey deyil", - Demokratik Təşəbbüslər İnstitutunun rəhbəri Akif Qurbanov Qərb dövlətləri səfirliklərinin müxtəlif layihələrə ayırdıqları qrantların hesabına varlanması və daşınmaz əmlak əldə etməsi barədə bəzi KİV-də yayılan informasiyaya cavab olaraq bildirib.
"İlk növbədə bildirmək istəyirəm ki, bu informasiyada haqqında danışılan daşınmaz əmlak həqiqətən mənə məxsusdur və mənim həyat yoldaşımın adına sənədləşdirilib", - A.Qurbanov özünün video-müraciətində bildirib. Əlavə edib ki, onun ailəsinə ipoteka yolu ilə alınmış iki ev, eləcə də bağ sahəsi məxsusdur ki, buna görə də hər ay kredit ödəyir. O həmçinin Hundai markalı avtomobilinin olduğunu deyib.
A.Qurbanovun sözlərinə görə, 2016-cı ilədək Mərkəzi Seçki Komissiyasında çalışıb və yüksək əməkhaqqı alıb. "Bundan əlavə, müxtəlif seçkilər dövründə rəsmi şəkildə yaxşı məbləğdə mükafat almışam. Sonrakı dövr üçün fəaliyyətimlə bağlı onu deyə bilərəm ki, 3 il üçün 100 min manatdan çox gəlirim olub və bunun da müvafiq vergisini ödəmişəm və vergi borcum yoxdur. Mənim gəlirim hər hansı məxfi fəaliyyət nəticəsində əldə edilməyib, xidmət göstərilməsilə bağlı Böyük Britaniya və ABŞ səfirlikləri ilə bağlanmış bir neçə müqavilə nəticəsində əldə edilib. Məqalədə yazıldığı kimi, qrant alınmasından söhbət belə gedə bilməz. Təbii ki, Azərbaycan hakimiyyəti bu barədə bilir, belə ki, biz bu müqavilələri təqdim etmişik və bankda hansı xidmətləri göstərdiyimiz orada ətraflı yazılıb".
A.Qurbanov həyat yoldaşının da gəlirləri haqda hesabatı təqdim edib və deyib ki, belə gəlir ilə sözügedən əmlakı kreditsizdə əldə edə bilərdilər. Amma biz mənzilləri ipoteka krediti ilə əldə etmişik, bağ sahəsini isə 24 min manata kreditsiz almışıq və orada tikinti işləri aparırıq, deyə o bildirib.
Sonda o qeyd edib ki, 2017-ci ildən müxtəlif təzyiq formalarına məruz qalıb və KİV-də dərc edilən son məqalə bu təzyiqin davamıdır. -0-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz