![Посол США в Азербайджане Эрл Литценбергер](https://turan.az/resized/media/2019/main/042000018328-750-500-resize.webp)
Посол США в Азербайджане Эрл Литценбергер
ABŞ səfiri Azərbaycanda islahatlar və söz azadlığı haqqında
Bakı/20.04.19/Turan: ABŞ-ın Azərbaycandakı səfiri Erl Litsenberger Azərbaycan və Ermənistan XİN başçılarının növbəti görüşünün ABŞ-da keçirilməsi barədə təklifin təfsilatından xəbərsizdir. Bu barədə səfir şənbə günü Bakıda jurnalistlərin suallarını cavablandırarkən bildirib.
Eyni zamanda, o, əlavə edib: "Amma hər iki dövlətin xarici işlər nazirlərinin Moskva görüşündən xəbərim var və bu görüşdən sonra verilmiş bəyanatlardan çox məmnunam. Danışıqların davam edəcəyinə və münaqişənin sülh yolu ilə həll ediləcəyinə inanıram".
Turan agentliyinin Azərbaycan hakimiyyətinin geniş islahatlar aparılması barədə bəyanatlarını şərh etmək xahişinə cavabda səfir qeyd edib ki, islahatların aparılması səylərindən məmnundur: "Azərbaycan bu sahədə böyük nailiyyət əldə edib, amma Azərbaycan gənc dövlətdir və bu istiqamətdə hələ böyük işlər görülməlidir. Biz ölkədə islahatlar aparılmasını dəstəkləyirik".
Azərbaycanda söz azadlığı və insan hüquqları sahəsində vəziyyət haqqında suala cavabda səfir qeyd edib ki, bu dəyərlər ABŞ-ın siyasətində çox əhəmiyyətlidir və o, Amerikanın səfiri olaraq Azərbaycanda bu məqsədlərin dəstəklənməsi üçün əlindən gələni edəcək. -18B-
-
- Söz istəyirəm
- 20 Aprel 2019 13:36
-
- Cəmiyyət
- 20 Aprel 2019 20:04
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz