Açiq mənbələrdən foto.
Bakı/07.02.23/Turan: Fevralın 7-də Azərbaycan Ali Məhkəməsi hakim Rəşad Abdulovun sədrliyi ilə Azərbaycan Xalq Cəbhəsi Partiyasının (AXCP) fəalı Aqil Hümbətovun kassasiya şikayətini təmin etməyib.
"Məhkəmə cinayət işinin ən azı apellyasiya araşdırmasına qaytarmalı idi", deyə vəkil Nemət Kərimli Turan-ın müxbirinə bildirib.
Onun sözlərinə görə, Avropa İnsan Hüquqları Konvensiyasının 6-cı maddəsinin (Ədalətli məhkəmə araşdırması) pozulması ilə əlaqədar məhkəmənin qərarından Avropa İnsan Hüquqları Məhkəməsinə şikayət veriləcək.
Öz növbəsində, Ali Məhkəmədən qəbul edilmiş qərarı şərh edərkən qeyd ediblər ki, qərar dövlət adından çıxarılır və narazı tərəf müvafiq instansiyaya müraciət edə bilər.
Aqil Hümbətov 2021-ci il avqustun 11-də saxlanılıb və Bakının Zirə qəsəbəsinin sakini Yəmən Məmmədova bıçaq xəsarəti yetirməkdə ittiham olunub. Hümbətov Azərbaycan CM-in 126.2.4-cü (qəsdən sağlamlığa ağır zərər vurma, ümumi təhlükəli üsulla, xuliqanlıq niyyətilə törədildikdə) maddəsi ilə ittiham olunub.
Məhkəmə zamanı Hümbətov ilkin ifadələrindən imtina edib, onları işgəncə altında verdiyini bildirib. Bununla belə, məhkəmə onu 10 il azadlıqdan məhrumetmə cəzasına məhkum edib. Hüquq müdafiəçiləri Hümbətovu siyasi məhbus kimi tanıyıb. 03B06
Cəmiyyət
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
-
Çərşənbə günü paytaxtda hava tutqun olacaq. Axşama doğru Abşeronda bəzi yerlərdə yağıntı ola bilər. Şimal-qərb küləyi əsəcək. Havanın temperaturu gecə mənfi 1 + 2, gündüz müsbət 3 +7 dərəcə olacaq. Rütubət gecə 70-80, gündüz 60-65 faiz olacaq.
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
Rəy yaz