Bakı/04.02.20/Turan: Azərbaycan Ali Məhkəməsi Azərbaycan Xalq Cəbhəsi Partiyasının (AXCP) fəalı Fuad Əhmədlinin vaxtından əvvəl şərti azadlığa buraxılması haqqında kassasiya şikayətinə baxılmasını qeyri-müəyyən müddətə təxirə salıb.
Kassasiya şikayətinə baxılması 4 fevral saat 10.50-yə təyin edilmişdi. Məhkəmə binası qarşısına AXCP və vətəndaş cəmiyyəti fəallarından ibarət böyük qrup gəlib. İnsanları iki saat küçədə saxlayan məhkəmə iclasın qeyri-müəyyən vaxta təxirə salındığını elan edib.
Fəalın atası Zəfər Əhmədov bu addımı insan hüquqlarının pozulması kimi qiymətləndirib. O qeyd edib ki, şikayətə baxılması iyuldan etibarən gecikdirilib və aydındır ki, bir neçə aylıq təxirə salınır. Bu arada, avqustda fəalın azadlıqdan məhrumetmə müddəti başa çatır.
** Fuad Əhmədli 2016-cı ilin avqustunda "əməliyyat-axtarış fəaliyyəti haqqında qanunu pozmaq" və Azerfon mobil telefon istifadəçilərinin şəxsi məlumatlarını yaymaq ittihamı ilə həbs edilib. Bundan başqa, o, səlahiyyətlərini aşmaqda ittiham olunub.
O, 2017-ci il iyunun 16-da 4 il müddətinə azadlıqdan məhrum edilib. Sonradan Apellyasiya Məhkəməsi və Ali Məhkəmə hökmü qüvvədə saxlayıb. Hüquq müdafiəçiləri Əhmədlini siyasi məhbus kimi tanıyıblar.
Mayda Suraxanı rayon məhkəməsi Əhmədlinin cəzasının yarısını çəkməsi ilə əlaqədar vaxtından əvvəl şərti azadlığa buraxılması haqqında müraciətini təmin etməyib. Yuxarı instansiya məhkəmələri bu qərarı qüvvədə saxlayıb. Fəalın cəza müddətinin başa çatmasına 10 ay qalıb. -B06-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz