Bakı/07.07.21/Turan: İyulun 7-də Azərbaycan Ali Məhkəməsi Əziz Seyidovun sədrliyi ilə jurnalist və hüquq müdafiəçisi Elçin Məmmədin oğurluq və qanunsuz silah dövriyyəsi ittihamları ilə 4 il müddətinə azadlıqdan məhrum edilməsi haqqında hökmdən verilmiş kassasiya şikayətinə baxıb.
Vəkil Fariz Namazlı prosesdə bildirib ki, birinci instansiya və apellyasiya məhkəmələrinin qərarları qanunsuz və əsassız olub.
Onun sözlərinə görə, zinət əşyaları və 9 güllə müttəhimin ofisinə qəsdən qoyulub. Ofisin açarı məkan sahibində də var idi, o, Məmmədin olmadığı zaman ofisdə olduğunu təsdiq edib.
Daha sonra namazlı qeyd edib ki, aşağı instansiya məhkəmələri yüngülləşdirici halları: müttəhimin yetkinlik yaşına çatmamış övladlarının olmasını və onun hüquq müdafiəçisi olmasını nəzərə almayıb.
Vəkil məhkəmədən bəraət hökmü çıxarmağı xahiş edib. Amma dövlət ittihamçısı Rəşad Məmmədli hökmün dəyişdirilmədən saxlanmasını istəyib.
Məhkəmə heyəti müşavirədən sonra kassasiya şikayətinin təmin edilmədiyini və əvvəlki instansiya məhkəmələrinin qərarlarının dəyişdirilmədən qüvvədə saxlandığını elan edib.
Vəkil Turan-a Avropa İnsan Hüquqları Məhkəməsinə müraciət edəcəyini bildirib. Artıq Strasburq Məhkəməsinə Məmməd barəsində həbs qətimkan tədbiri seçilməsi ilə bağlı şikayət göndərilib.
Qeyd edək ki, Məmməd səhhəti ilə əlaqədar məhkəmədə iştirakdan imtina edib. Fəalın anası Rahilə Məmmədli hesab edir ki, oğlu sifarişlə həbs edilib.
“Oğlum məmurlar arasında korrupsiyanı ifşa edir, özbaşınalığın qurbanı olan insanların hüquqlarını müdafiə edirdi. Məhz buna görə ona qarşı cinayət işi saxtalaşdırılıb. Təəssüf ki, ali məhkəmə ədaləti bərpa etmədi”, deyə Rahilə Məmmədli bildirib.
* Xatırladaq ki, 2020-ci il oktyabrın 17-də Sumqayıt Şəhər Məhkəməsi “Sumqayıt Gənclərinin Hüquqi Maarifləndirilməsi” qeyri-hökumət təşkilatının rəhbəri və “Yüksəliş Naminə” saytının redaktoru Elçin Məmmədovu “oğurluqda” və “qanunsuz döyüş sursatı və silah saxlamaqda” təqsirli bilərək, 4 il müddətinə azadlıqdan məhrum edib.
Hüquq müdafiəçisi 2020-ci ilin martında həbs edilib. Ondan hüquqi yardım göstərdiyi qadın şikayət edib. Bu qadın daha əvvəl criminal.az saytının redaktoru Anar Məmmədovdan da şikayət etmişdi.
Məmməd cinayət işini hüquq müdafiə fəaliyyəti ilə əlaqələndirir. Amnesty İnternational, PEN, FİACAT və digər beynəlxalq təşkilatlar Məmmədin həbsini pisləyiblər. Yerli hüquq müdafiəçiləri onu siyasi məhbus kimi tanıyıb. -06B-
Cəmiyyət
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
Rəy yaz